ન્યુદિલ્હી
કેન્દ્ર સરકારના કર્મચારીઓ માટે સારા સમાચાર છે. હોળી પછી એટલે કે માર્ચ મહિનાના પગારમાં કર્મચારીઓને પગાર વધારો મળવાની શક્યતા છે. કેન્દ્ર સરકાર ટૂંક સમયમાં કર્મચારીઓ અને પેન્શનધારકોના ડીએમાં વધારાની જાહેરાત કરશે. આ સાથે હોળી પર ૧૮ મહિનાથી અટકેલા ડ્ઢછ ના બાકીના પૈસા મળવાની સંભાવના છે. આ વખતે સરકાર મોંઘવારી ભથ્થામાં ૩ ટકાનો વધારો કરશે એટલે કે કર્મચારીઓને ૩૧ ટકા મળતું મોંઘવારી ભથ્થું હવે વધીને ૩૪ ટકા થઈ જશે. ડિસેમ્બર ૨૦૨૧ માટે ઈન્ડેક્સમાં એક પોઈન્ટનો ઘટાડો થયો છે. મોંઘવારી ભથ્થાના સરેરાશ ઈન્ડેક્સની વાત કરીએ તો તે ૩૫૧.૩૩ રહ્યો છે તેથી આ પ્રમાણે કર્મચારીઓનું મોંઘવારી ભથ્થું વધીને ૩૪.૦૪ ટકા થઈ શકે છે. વર્ષ તમને જણાવી દઈએ કે ડ્ઢછ હંમેશા પૂર્ણાંકમાં આપવામાં આવે છે તેથી તે મુજબ તે ૩૪ ટકા હશે. જાે તમારો મૂળ પગાર ૧૮,૦૦૦ રૂપિયા છે, તો તમને ૩૪ ટકાના દરે મોંઘવારી ભથ્થું મળશે. તે મુજબ તમારો વાર્ષિક પગાર ૭૩,૪૪૦ રૂપિયા વધી શકે છે. તે જ સમયે, પગારમાં વાર્ષિક વધારો ૬,૪૮૦ રૂપિયા થશે. સરકાર માર્ચ મહિનામાં આ વધેલા મોંઘવારી ભથ્થાની જાહેરાત કરી શકે છે. હાલમાં ઘણા રાજ્યોમાં ચૂંટણીઓ ચાલી રહી છે જેના કારણે આદર્શ આચારસંહિતા લાગુ છે અને તેના કારણે વધેલા ડ્ઢછ ના એરિયર્સની જાહેરાત કરવામાં આવી રહી નથી. નેશનલ કાઉન્સિલ ઓફ જાેઈન્ટ કન્સલ્ટેટિવ મશીનરી ના સેક્રેટરી (સ્ટાફ સાઇડ) શિવ ગોપાલ મિશ્રાના જણાવ્યા અનુસાર ૧૮ મહિનાથી અટવાયેલા ડ્ઢછની બાકી રકમ વિશે વાત કરતાં સરકાર ડ્ઢછ નાણાની વન ટાઇમ સેટલમેન્ટ કરી શકે છે. મોંઘવારી ભથ્થામાં વધારાથી ૪૮ લાખ કર્મચારીઓ અને ૬૮ લાખ પેન્શનધારકોને ફાયદો થશે. એવી અપેક્ષા રાખવામાં આવે છે કે આગામી ચૂંટણી પહેલા સરકાર દ્વારા આની જાહેરાત કરવામાં આવી શકે છે. કેન્દ્ર સરકાર અને કર્મચારીઓ વચ્ચે લટકતો ડ્ઢછ પુનઃસ્થાપિત કરવાની માંગ ઘણા સમયથી કરવામાં આવી રહી છે. જાે કે હજુ સુધી કોઈ ર્નિણય લેવાયો નથી. માનવામાં આવી રહ્યું છે કે આગામી કેટલાક દિવસોમાં આ મામલે કેબિનેટ સચિવ સાથે ચર્ચા થઈ શકે છે.
