દાહોદ
દાહોદ તાલુકાના નગરાળા ગામે રહેતા રમેશ પાંગળા ડામોર, ગોવિંદ રમેશ ડામોર, મનિષ રતન ડામોર, કનુ ચુનીયા ડામોર, અભેસીંગ ડામોર, અક્ષય નવલસીંગ ડામોર, અભય અરવિંદ ડામોર અને અજય કનુ ડામોરે એકસંપ થઈ મારક હથિયારો સાથે મુવાલીયા ગામે હુમલો કર્યો હતો. જેમાં તેઓ જમીનમાં ખેતીકામ કરી રહેલા વિજય સિસ્કાભાઈ હઠીલા તથા તેમના પરિવારજનો પાસે આવી ગાળો બોલવા લાગ્યા હતા. તેમણે “આ જમીન અમારા બાપ દાદાએ તમને આપેલી છે, તમે કેમ ખેડો છો” કહી એકદમ ઉશ્કેરાઈ જઈ લોખંડની પાઈપ, લાકડી વડે અને ગડદાપાટ્ટુનો માર મારી વિજયભાઈ તથા સુનિતાબેનને ઈજાઓ પહોંચાડી હતી. તેમજ જાનથી મારી નાંખવાની ધમકીઓ આપી ટોળુ નાસી જતાં આ સંબંધે ઈજાગ્રસ્ત વિજયભાઈ સિસ્કાભાઈ હઠીલા દ્વારા દાહોદ તાલુકા પોલીસ મથકે ફરિયાદ નોંધાવી હતી. જેથી પોલીસે ગુનો નોંધી આગળની કાયદેસરની કાર્યવાહી હાથ ધરી છે.દાહોદ તાલુકાના મુવાલીયા ગામે જમીન મામલે ૮ ઈસમોના ટોળાએ હુમલો કર્યો હતો. જેમાં મહિલા સહિત બે વ્યક્તિને લોખંડની પાઈપ, લાકડી અને ગડદાપાટ્ટુનો માર મારી શરીરે ઈજાઓ પહોંચાડી ભારે ધિંગાણું મચાવતાં પંથકમાં ખળભળાટ મચી ગયો હતો.
