મકસુદ કારીગર,કઠલાલ
કઠલાલ માં આવેલ સ્વાગત હોટલ ખાતે કઠલાલ શહેર ભારતીય જનતા પાર્ટી સંગઠનની મીટીંગ યોજાઇ હતી.આ મિટિંગમાં હર ઘર તિરંગા બાબતે સક્રિય થઈ કામગીરી કરવા માહિતી અપાઈ હતી તેમજ સૌ કોઈ આ કામગીરીમાં જોડાયા તે બાબતે માર્ગદર્શન આપવામાં આવ્યું હતું.તેમજ સરકાર દ્વારા થતા વિકાસના કાર્યો જનતા સુધી પહોંચે અને નાગરિકો તેનો લાભ લઈ શકે તે ઉદ્દેશ્યથી લોકો સુધી વિકાસના કાર્યો પહોંચાડવા બાબતે જણાવવામાં આવ્યું હતું.આ મિટિંગમાં સંજયભાઈ પટેલ પૂર્વધારાસભ્ય ખંભાત તેમજ ખેડા જિલ્લા ભાજપ મંત્રી રાજેશ પટેલ,વર્ષાબેન વ્યાસ, નટુભાઈ સોઢા તથા કઠલાલ શહેર ભાજપ પ્રમુખ બિપિનભાઈ પટેલ તેમજ કઠલાલ શહેર ભારતીય જનતા પાર્ટીના કાર્યકરો અને નગરપાલિકાના પ્રમુખ રમીલાબેન તથા ઉપપ્રમુખ હર્ષદભાઈ પટેલ સહિત કાઉન્સિલરો ઉપસ્થિત રહ્યા હતા.
