રશિયા
રશિયા અત્યંત મોટી સબમરીન વિકસાવી રહ્યું છે. જે રડારથી બચવામાં સક્ષમ છે. તે ૭૨-મીટર (૨૩૬ ફૂટ) લાંબી સબમરીન બનાવવાની યોજના ધરાવે છે. ધ મિરરના અહેવાલ મુજબ, સરકારી માલિકીની કંપની રૂબિન ડિઝાઇન બ્યુરોએ તેના નિર્માણની જાહેરાત કરી છે. સબમરીન નું વજન ૧૩૦૦ ટન હશે. કોરોનાવાયરસ રોગચાળાને કારણે દેશના સૈન્ય બજેટમાં ઘટાડો થયો છે. જેના કારણે સબમરીન બનાવવા માટે ઓછામાં ઓછા પૈસા ખર્ચવાના પ્રયાસો કરવામાં આવી રહ્યા છે. તેને એવી રીતે ડિઝાઇન કરવામાં આવ્યું છે કે તે એકસાથે અનેક કાર્યો કરી શકે છે. આ સબમરીન ગાર્ડિયન સબમરીનના બીજા વર્ઝન પર આધારિત છે, જેના પર કંપની હાલમાં કામ કરી રહી છે. મળતી માહિતી મુજબ, પાણીની અંદર ચાલતી આ સબમરીનની ઝડપ ૨૧ નોટ હશે. કંપનીએ દાવો કર્યો હતો કે સ્ટ્રેઝ ૨.૦ (સબમરીન) તેના કદને કારણે રડાર શોધને ટાળવામાં સક્ષમ હશે. આનાથી દુશ્મન માટે સબમરીનને શોધવાનું મુશ્કેલ બનશે. આનો ફાયદો ઉઠાવીને દુશ્મન પર સબમરીનથી પણ હુમલો કરી શકાય છે. કંપનીના જણાવ્યા અનુસાર આ જહાજનો ઉપયોગ સબમરીન વિરોધી દળો સાથેની કવાયત અને એન્ટી સબમરીન ક્રૂને તાલીમ આપવા માટે કરી શકાય છે. તે ૧૦ નોટની ઝડપે ૪,૦૦૦ નોટિકલ માઈલની ઓપરેશનલ ક્ષમતા ધરાવે છે, જેને જરૂર પડ્યે વધારી પણ શકાય છે. કંપનીએ એમ પણ કહ્યું કે સબમરીન રશિયન દરિયાકાંઠાના વિસ્તારોમાં પેટ્રોલિંગ કરવામાં સક્ષમ હશે અને જાે કોઈ સંકટ આવે તો તેને ઝડપથી લડાઈ મોડમાં મૂકી શકાય છે. સબમરીન પ્રોટોટાઇપ કયા તબક્કામાં છે તે હજુ સુધી સ્પષ્ટ નથી અને તેની સમયરેખા પર કંઈપણ જાહેર કરવામાં આવ્યું નથી. સબમરીન માટે રશિયાની યોજના એવા સમયે સામે આવી છે જ્યારે યુક્રેન સાથે તણાવ ચરમસીમા પર છે. પશ્ચિમી દેશોએ આશંકા વ્યક્ત કરી છે કે રશિયા યુક્રેન પર હુમલો કરી દેશ પર કબજાે કરી લેશે. જ્યારે એક દિવસ પહેલા જ રશિયાના રાષ્ટ્રપતિ વ્લાદિમીર પુતિને કહ્યું હતું કે તેઓ યુરોપમાં કોઈપણ પ્રકારનું યુદ્ધ નથી ઈચ્છતા. જાે કે અમેરિકા અને બ્રિટન સહિતના તમામ દેશો યુક્રેનમાંથી પોતાના નાગરિકોને બહાર કાઢી રહ્યા છે. ઘણા દેશોએ તેમના દૂતાવાસના કર્મચારીઓને પણ અન્ય સ્થળોએ ખસેડ્યા છે.
