વિશ્વભરમાં અનેક દેશોમાં ભૂકંપના આંચકાઓ ક્યારેક ક્યારેક આવતો હોય છે. જ્યારે આ ભૂકંપની તીવ્રતા વધારે હોય ત્યારે અનેકવાર મોટું નુકસાન પણ સર્જાતું હોય છે. જેમાં જાન અને માલનું નુકસાન પણ ભોગવું પડતું હોય છે. ભારતમાં પણ અનેકવાર ભૂકંપના આંચકાઓ અનુભવાયા છે. ત્યારે ગુજરાતમાં પણ ભૂકંપના આંચકાઓ લઈને મોટું જાન અને માલનું નુકસાન વર્ષો પહેલા સર્જાયું હતું. ગઈ મોડી રાત્રે ગુજરાતના બનાસકાંઠા જિલ્લામાં આવેલા દાંતામાં ભૂકંપના આંચકાઓ અનુભવાયા હતા.
યાત્રાધામ અંબાજીથી 20 કિલોમીટરના અંતરાલે આવેલા દાંતામાં ગઈ મોડી રાત્રે 11:05 પર ભૂકંપના આંચકાઓ અનુભવાયા હતા. મોડી રાત્રે દાંતામાં આવેલા આ ભૂકંપના આંચકાની તીવ્રતા 3 હતી. લોકોએ મોડી રાત્રે ભૂકંપના આંચકાઓ અનુભવાતા પોતાના ઘરથી બહાર નીકળી પડ્યા હતા. વધુ તીવ્રતા ન હોવાના કારણે હજી સુધી કોઈપણ જાન કે માલનું નુકસાન સર્જાવાની જાણકારી સામે નથી આવી. દાંતામાં મોડી રાત્રે આવેલા ભૂકંપના આંચકાઓની બનાસકાંઠા જિલ્લા ડિઝાસ્ટર વિભાગે પુષ્ટિ કરી હતી.