ખંભાળિયા તાલુકા પંચાયતના પૂર્વ પ્રમુખ અને આહીર સમાજના અગ્રણી બજાણા ગામના રહીશ જીવાભાઇ કનારાના તેમના પુત્રના લગ્ન સમારોહનું આયોજન કરવામાં આવ્યું હતું આ લગ્ન સમારોહમાં રાત્રે ડાંડિયારાસના કાર્યક્રમમાં જે રકમ એકત્ર થાય તે બજાણા ગામની દરેક સમાજની દીકરીઓ જે આર્થિક રીતે સધ્ધર ન હોય અને અભ્યાસ છોડી દે તેવું ન થાય તેના માટે શિક્ષણ પાછળ ખર્ચ કરવાનું અને આ રકમ તેમાં અનુદાન માટે આપવાની નક્કી કરવામાં આવ્યું હતું.
જેમાં આ તકે દોઢ લાખ રૂપિયાની ઘોર થઇ હતી આ ઉપરાંત જીવાભાઈ કનારા દ્વારા વધુ દોઢ લાખનો ઉમેરો કરાતા આમ કુલ ત્રણ લાખ રૂપિયાનુ ફંડ એકત્રિત થયું હતું. હવે આ ફંડ બજાણા ગામની દરેક સમાજની દીકરીઓ માટે શિક્ષણ કાર્યમાં વપરાશે. ત્યારે સમાજમાં દાખલા રૂપ કહી શકાય તેવું આ સરાહનીય કાર્ય જીવાભાઇ કનારા દ્વારા કરવામાં આવતા સમાજના અગ્રણીઓ તેમજ બજાણા ગામના લોકો દ્વારા આવકારી પહેલને બિરદાવી હતી.