પાકિસ્તાન અને અત્યાચારનો જુનો સંબંધ માનવામાં આવે છે. પાકિસ્તાનમાં રહેતા લઘુમતીઓ માટે દેશ નરકથી ઓછો નથી. દરરોજ હિંદુઓ અને લઘુમતીઓ પર અત્યાચારના અહેવાલો આવે છે. દરમિયાન, હિંદુ ઉદ્યોગપતિ જયરામ દહેરાના યુવાન પુત્ર રિતિકનું પાકિસ્તાનના સિંધમાં અપહરણ કરવામાં આવ્યું હતું. હવે તેને સાંકળોથી બાંધેલો હિંસક વીડિયો સામે આવ્યો છે. ૦૫ ફેબ્રુઆરીના રોજ, સખાર અને મીરપુર માથેલો વચ્ચેના માર્ગ પર મુસ્લિમ ડાકુઓએ રિતિકનું અપહરણ કર્યું હતું. રિતિકનું અપહરણ થયાને ૪૫ દિવસથી વધુ સમય થઈ ગયો છે અને તે ડાકુઓની કસ્ટડીમાં છે. લઘુમતી અને હિંદુઓ પણ તેમના પર થઈ રહેલા અત્યાચારનો વિરોધ અને હડતાલ કરી રહ્યા છે. મીરપુરમાથેલોના નાના-મોટા ગામોમાં હિન્દુઓ દ્વારા હડતાળ અને વિરોધ હજુ પણ ચાલુ છે. આવી સ્થિતિમાં, ચાલો કેટલાક આંકડા જાેઈએ જે પાડોશી દેશમાં થઈ રહેલા અત્યાચાર વિશે જણાવે છે.
આ સિવાય પણ એવા ઘણા કિસ્સા છે જે પાકિસ્તાનમાં થઈ રહેલા અત્યાચારને દર્શાવે છે. જેમાં, એક પરિણીત છોકરીનું અપહરણ કરવાનો અને પછી તેને ગોળી મારીને મારી નાખવાનો, હિંદુ છોકરાઓ અને પુરુષોનું અપહરણ કરવાના અને બળજબરીથી તેમના ધર્મમાં ફેરવવાના અને/અથવા તેમના પર બળાત્કાર કરવાના પાંચ કેસ. બળજબરીપૂર્વક સામૂહિક ધર્મ પરિવર્તનના ૨,૨૫૧ કેસ, ટાર્ગેટ કિલિંગ અને ક્રૂર હત્યાના ૨૫ કેસ, ગેરકાયદેસર ધરપકડ અને લાપતા ગુમ થવાના ૩ કેસ. ઘરો, મંદિરો, કબ્રસ્તાન અને જમીન પચાવી પાડવાના કુલ ૭૭ કેસ નોંધાયા છે. માનવાધિકાર કાર્યકર્તાઓએ પાકિસ્તાનમાં હિન્દુઓ પરના આ અત્યાચારો સામે અવાજ ઉઠાવ્યો છે. પાકિસ્તાનમાં હિન્દુઓના માનવાધિકાર કાર્યકર્તા મહેશ વાસુએ આ કેસોનો વિરોધ કર્યો છે. મહેશે કહ્યું કે જાે દુનિયામાં ક્યાંય નર્ક છે તો તે પાકિસ્તાનમાં છે. તેમણે આની સામે અવાજ ઉઠાવવાનું કહ્યું છે.