સાવરકુંડલા સુન્ની મુસ્લિમ જમાતના પ્રમુખ પદે ઈરફાન કુરેશીની સર્વાનુમતે વરણી સુન્ની મુસ્લિમ જમાતના ઉપપ્રમુખ પદે પીઢ પત્રકાર ઇકબાલ ગોરી બહુમતીથી ચૂંટાઈ આવ્યા

સુન્ની મુસ્લિમ જમાતના નવા રાહબરો પર અભિંદનની વર્ષા સુન્ની મુસ્લિમ જમાતને નવી દિશામાં લઈ જવા યુવાનો નવા જોમ જુસ્સા સાથે આગળ આવ્યા

સાવરકુંડલા સમસ્ત સુન્ની મુસ્લિમ જમાતના પ્રમુખપદની ખાલી પડેલી જગ્યા પર નવા પ્રમુખ ઉપપ્રમુખની યોજાયેલી મુસ્લિમ સિપાહી જમાતની ૧૮ સદસ્યોની મળેલી બેઠક હાજી દિલાવરભાઈ ભટ્ટીના અધ્યક્ષ સ્થાને મળેલી હતી

જેમાં સુન્ની મુસ્લિમ જમાતના પ્રમુખ પદે એકમાત્ર ઈરફાન કુરેશીએ દાવેદારી કરતા સર્વાનુમતે સુન્ની મુસ્લિમ જમાતના પ્રમુખ પદે વરણી કરવામાં આવેલ હતી જ્યારે સુન્ની મુસ્લિમ જમાતના ઉપપ્રમુખ પદે બે ઉમેદવારો દાવેદારી નોંધાવતા ૧૮ સભ્યોએ મતદાન કરતા પીઢ પત્રકાર અને સુન્ની મુસ્લિમ સમાજના અગ્રણી રાહબર ઇકબાલ ગોરી ને ૧૦ મત મળતાં ઉપપ્રમુખ પદે વિજેતા થયેલા હતા.

સુન્ની મુસ્લિમ જમાતના પ્રમુખપદે ઈરફાન કુરેશી અને ઉપપ્રમુખ પદે ઇકબાલ ગોરીની વરણીને સમસ્ત સુન્ની મુસ્લિમ જમાતના યુવા કાર્યકર્તાઓ અને અગ્રણીઓએ બન્ને જમાતના પદાધિકારીઓને સમાજને નવી દિશામાં લઈ જવા માટેની શુભકામનાઓ પાઠવેલ હતી.