ઉનાના ઉમેજ ગામે થી પસાર થતી રાવલ નદી ઉપર નવનિર્માણ પુલનું કામ શરૂ છે. ત્યારે આ પુલના સ્થળ પર ધારાસભ્યએ મુલાકાત લીધી હતી. અને પોતે જાત નિરીક્ષણ કર્યું હતું. બાદમાં આ પુલનું કામ વહેલીતકે પૂર્ણ કરવા સૂચના આપી હતી.
તાલુકાના ઉમેજ ગામથી પસાર થતી રાવલ નદી ઉપર પુલનું બાંધકામ ચાલુ છે. અને આ પુલના કામનું ધારાસભ્ય કાળુભાઈ રાઠોડ સ્થળ ઉપર પહોંચી જાત નિરીક્ષણ કર્યું હતું. અને આ પુલનું કામ ચોમાસા પહેલા વહેલી તકે થાય અને સારી ગુણવત્તાનું કામ સારું થાય તેવું પુલનું કામ કરાવતા કોન્ટ્રાક્ટરને જરૂરી સુચના આપવામાં આવી હતી
આ તકે પૂર્વ તાલુકા પંચાયત કારોબારી સમિતિના ચેરમેન ભાવુભાઈ ચાવડા, સરપંચ હામભાઈ, હસમુખભાઈ ગોહિલ સહિતના આગેવાનો અને કાર્યકરો ઉપસ્થિત રહ્યા હતા. જોકે આ પુલના નિર્માણ બાદ આ વિસ્તારના ગ્રામજનોને ખેડૂતો તેમજ આજુબાજુના ગામોના લોકોને મુશ્કેલી દૂર થશે જેથી ગ્રામજનોમાં ખુશીનો માહોલ જોવા મળ્યો હતો.