૨૨મી જાન્યુઆરી સમગ્ર દેશ માટે એક ઐતિહાસિક દિવસ બનવા જઈ રહ્યો છે. આ દિવસે અયોધ્યામાં રામ મંદિરમાં અભિષેક વિધિનું આયોજન કરવામાં આવશે. આ માટે દરેક લોકો ઉત્સાહિત છે. આ સમારોહની અયોધ્યામાં તૈયારીઓ ચાલી રહી છે. આ દિવસે વિવિધ ક્ષેત્રની પ્રતિષ્ઠિત વ્યક્તિઓને મહેમાન તરીકે આમંત્રિત કરવામાં આવ્યા છે.
આ દરમિયાન રામાનંદ સાગરની ‘રામાયણ’ સિરીયલના મુખ્ય કલાકારો અયોધ્યા પહોંચી ગયા છે. સિરીયલમાં રામ, સીતા અને લક્ષ્મણની ભૂમિકા ભજવનારા અભિનેતા અરુણ ગોવિલ, દીપિકા ચિખલિયા અને સુનીલ લહરીનું અયોધ્યામાં ઉષ્માભર્યું સ્વાગત કરવામાં આવ્યું હતું. તેનો વીડિયો સોશિયલ મીડિયા પર સામે આવ્યો છે. રામાયણ સીરિયલમાં સીતાનું પાત્ર ભજવનારી એકટ્રેસ દીપિકા ચિખલિયાએ લાલ સાડી પહેરી હતી.
જ્યારે અરુણ ગોવિલ અને સુનીલ લહરી પીળા અને સફેદ કુર્તા-પાયજામામાં જાેવા મળી રહ્યા છે. આ ત્રણેયની આસપાસ લોકોની ભારે ભીડ જાેવા મળે છે. કેટલાકે હાથમાં ધ્વજ પણ પકડ્યા હતા. સોશિયલ મીડિયા પર વાયરલ થઈ રહેલા આ વીડિયોને નેટીઝન્સ ભારે લાઈક અને કોમેન્ટ કરી રહ્યા છે. થોડા દિવસો પહેલા સુનીલ લહરીનો વીડિયો વાયરલ થયો હતો. જેમાં તેમણે ફરિયાદ કરી હતી કે તેમને અયોધ્યામાં અભિષેક સમારોહનું આમંત્રણ મળ્યું નથી. પરંતુ હવે ચાહકો પણ તેને અરુણ ગોવિલ અને દીપિકા ચિખલિયા સાથે અયોધ્યામાં જાેઈને ખુશ છે.
ઘણા વર્ષો પછી દર્શકોને આ ત્રણેય દિગ્ગજ કલાકારો સાથે જાેવા મળી રહ્યા છે. રામાયણ ખૂબ જ લોકપ્રિય સિરિયલ છે. લોકડાઉન દરમિયાન આ સિરિયલ ફરી એકવાર ટીવી પર ટેલિકાસ્ટ કરવામાં આવી હતી. તે સમયે સિરિયલના કલાકારો ફરી એકવાર ચર્ચામાં આવ્યા હતા. અયોધ્યામાં અભિષેક સમારોહની તૈયારીઓ ચાલી રહી છે. આ ઐતિહાસિક ક્ષણના સાક્ષી બનવા માટે ૮૦૦૦ થી વધુ મહેમાનોને આમંત્રણ આપવામાં આવ્યું છે.
આ મંદિરમાં પૂજા કેવી રીતે થશે, તેની વિશેષતાઓ શું છે તે જાણવામાં ઘણા લોકોને રસ છે. અભિનેત્રી હેમા માલિની ત્યાં પરફોર્મ કરવાની છે. આ મહિના માટે અયોધ્યાની લગભગ તમામ હોટલ ૧૦૦ ટકા બુક થઈ ગઈ છે. અયોધ્યા રામ મંદિરની ૧૭૦ કિલોમીટરની ત્રિજ્યામાં લખનૌ, પ્રયાગરાજ અને ગોરખપુરમાં હોટલોની માંગ ઝડપથી વધી છે. સિગ્નેટ હોટેલ્સ એન્ડ રિસોર્ટ્સના સ્ડ્ઢ અને ફાઉન્ડરે જણાવ્યું હતું કે, “તેમની તમામ હોટેલ રૂમ આ મહિના માટે બુક કરવામાં આવી છે.” હોટલના રૂમનું સરેરાશ ભાડું ૮૫ હજાર રૂપિયાને વટાવી ગયું છે.
