સૌરાષ્ટ્રનું અને ગુજરાતનું અગ્રીમ ગણાતું ગોંડલનું માર્કેટિંગ યાર્ડ જન્માષ્ટમીની રજા બાદ આજે ફરી ધમધમતું થયું છે, ગોંડલ માર્કેટિંગ યાર્ડમાં ડુંગળી, ધાણા, લસણ, મગફળી સહિતની જણસીઓની આવક સાથે હરાજીઓ શરૂ કરવામાં આવી છે.
ગોંડલ યાર્ડ જણસીઓથી ઉભરાયું છે. જન્માષ્ટમીની 6 દિવસની રજા પૂર્ણ થતી હતી ત્યાર બાદ 29 ઓગષ્ટથી શરૂ થવાનું હતું યાર્ડ પણ ગુજરાતમાં અવિરત વરસી રહેલા વરસાદના કારણે આગામી 2 દિવસની રજા જાહેર કરવામાં આવી હતી. 2 દિવસ બાદ શ્રાવણ મહિનાનો સોમવાર અને ભાદરવી અમાસની રજા આવતા 4 સપ્ટેમ્બરથી ફરી યાર્ડ ધમધમતું થયું છે.
ગોંડલ યાર્ડના સેક્રેટરી તરૂણભાઈ પાંચાણીએ વધુમાં જણાવ્યું હતું કે, ગોંડલ માર્કેટિંગ યાર્ડમાં શરૂ થતાં અને સાથે જ મોટા પ્રમાણમાં અલગ અલગ પાકોની આવક શરૂ થઈ ગઈ છે. જેમાં ડુંગળી, ધાણા, લસણ, મગફળી સહિતની જણસીઓની આવક શરૂ કરી દેવામાં આવી છે. જેમાં ડુંગળીની 22 હજાર કટ્ટાની આવક સાથે હરાજીમાં 20 કિલોના 250થી 750 રૂપિયા સુધીના જોવા મળ્યા હતા. કપાસનો ભાવ પણ સારો જોવા મળ્યો છે.
ગોંડલ માર્કેટિંગ યાર્ડ બંધ હતું જેથી ખેડૂતો પોતાની જણસી વેચી શકતા ન હતા, પરંતુ જેવું ગોંડલ માર્કેટિંગ યાર્ડ શરૂ થતાં જ સૌરાષ્ટ્રભરમાંથી ખેડૂતો પોતાના ખેડૂત પાક લઈને ગોંડલ માર્કેટિંગ યાર્ડ ખાતે પહોંચ્યા હતા. વરસાદી વાતાવરણમાં ખેડૂતો, વાહનમાલિકોએ જણસી વરસાદમાં પલળે નહિ એ રીતે ઢાંકીને લાવવાની રહેશે.
