ચીને આર્જેન્ટીના પર દબાણ કર્યું અને ત્યાં ગુપ્ત લશ્કરી મથક બનાવ્યું!
ચીને પોતાનું સ્પેસ સ્ટેશન બનાવવા આજેર્ન્ટિનાની સરકાર પાસેથી લીઝ પર જમીન લીધી હતી
આજેર્ન્ટિનાની નબળી અર્થવ્યવસ્થાનો ફાયદો ઉઠાવીને ચીને આર્જેન્ટીના પર દબાણ કર્યું છે અને ત્યાં એક મોટું ગુપ્ત લશ્કરી મથક બનાવ્યું છે. ૨૦૦ એકરમાં ફેલાયેલા આ ચાઈનીઝ બેઝમાં ૧૬ માળની ઉંચી વિશાળ એન્ટેના છે. વર્ષ ૨૦૧૪માં ચીને પોતાનું સ્પેસ સ્ટેશન બનાવવા માટે આજેર્ન્ટિનાની અગાઉની સરકાર પાસેથી ૫૦ વર્ષના લીઝ પર આ જમીન લીધી હતી. આજેર્ન્ટિનામાં યુએસ એમ્બેસેડર માર્ક સ્ટેનલીએ કહ્યું છે કે આજેર્ન્ટિનાના ન્યુક્વેન વિસ્તારમાં સ્થિત આ સ્પેસ સ્ટેશન ચીની સેના દ્વારા સંચાલિત છે.
એમ્બેસેડર સ્ટેનલીના કહેવા પ્રમાણે, આજેર્ન્ટિનાની સરકારને પણ ખબર નથી કે ચીની સેના ત્યાં ખરેખર શું કરી રહી છે. પેન્ટાગોન અનુસાર, દક્ષિણ ગોળાર્ધમાં અમેરિકન સ્પેસ સ્ટેશન અને આજેર્ન્ટિનામાં ચીનના ગુપ્ત સ્પેસ સ્ટેશનથી અમેરિકન મિસાઇલોની પણ જાસૂસી કરવામાં આવી રહી છે. આજેર્ન્ટિનામાં હાજર ચીનના ખતરાને જાેતા અમેરિકન સધર્ન કમાન્ડના વડા જનરલ રિચર્ડસન આર્જેન્ટીનાની મુલાકાતે છે. નવાઈની વાત એ છે કે આજેર્ન્ટિનાના અધિકારીઓને પણ આ ચાઈનીઝ બેઝની મુલાકાત લેવાની મંજૂરી આપવામાં આવી ન હતી.
જ્યારે અમેરિકાએ તેની સુરક્ષાનો મુદ્દો ઉઠાવ્યો ત્યારે આજેર્ન્ટિનાના વર્તમાન રાષ્ટ્રપતિ જેવિયર મિલેએ ચીની સ્પેસ સ્ટેશનની તપાસ માટે એક ટીમ મોકલવાનો આદેશ આપ્યો. તપાસ ટીમ સ્પેસ સ્ટેશનની અંદર જશે અને જાેશે કે ત્યાં કોણ કોણ છે, ચીની બેઝમાં શું બનાવવામાં આવ્યું છે અને કેવા પ્રકારની ગતિવિધિઓ થઈ રહી છે.
૨૦૧૭માં ચીને એસ્પેસિયો લાઝાનો નામનો આ બેઝ શરૂ કર્યો હતો. ઁન્છના ચાઇના સેટેલાઇટ લૉન્ચ એન્ડ ટ્રેકિંગ કંટ્રોલ (ઝ્રન્ઝ્ર) સાથે જાેડાયેલા લોકો આ બેઝમાં હાજર છે. ત્યાં ખૂબ જ ગુપ્ત રીતે કામ ચાલી રહ્યું છે. સ્થાનિક લોકો અથવા અધિકારીઓને પણ આધારની આસપાસ ભટકવાની મંજૂરી નથી. ૨૦૧૯માં પેન્ટાગોનના એક રિપોર્ટમાં એમ પણ કહેવામાં આવ્યું હતું કે આ ચીની બેઝ પરથી અમેરિકન સેટેલાઇટ્સને નિશાન બનાવી શકાય છે. ચીનની દલીલ છે કે આ સ્પેસ સ્ટેશનનો ઉપયોગ અવકાશ અભ્યાસ માટે થાય છે.