ટીમ ઈન્ડિયાના સ્ટાર સ્પિનર ??રવિચંદ્રન અશ્વિન માટે છેલ્લા કેટલાક દિવસો ખૂબ જ શાનદાર રહ્યા છે. ઈંગ્લેન્ડ સામેની ટેસ્ટ સિરીઝ દરમિયાન તેણે માત્ર ૫૦૦ વિકેટ જ નહીં પરંતુ ૧૦૦ ટેસ્ટનો માઈલસ્ટોન પણ હાંસલ કર્યો હતો. ઉપરાંત, શ્રેણીની ખરાબ શરૂઆતમાંથી બહાર આવીને, છેલ્લી ૨ મેચોમાં તેની જબરદસ્ત બોલિંગે ટીમ ઈન્ડિયાને ૪-૧થી શ્રેણી જીતવામાં મોટી ભૂમિકા ભજવી હતી. અશ્વિનને આ બધાનું ઈનામ ટેસ્ટ રેન્કિંગમાં પ્રથમ સ્થાને પહોંચીને મળ્યું. આ બધા પછી અશ્વિને હવે પર એક પોસ્ટ કરીને પોતાની મજાક ઉડાવી છે.
ભારતીય દિગ્ગજ ખેલાડીએ ઈંગ્લેન્ડ સામેની ટેસ્ટ શ્રેણીમાં સૌથી વધુ ૨૬ વિકેટ લીધી હતી. અશ્વિને રાજકોટમાં રમાયેલી ત્રીજી ટેસ્ટ દરમિયાન ૫૦૦ વિકેટ પૂરી કરી હતી. ત્યારબાદ ધર્મશાળામાં રમાયેલી તેની ૧૦૦મી ટેસ્ટમાં તેણે રેકોર્ડ ૯ વિકેટ લીધી અને ટીમ ઈન્ડિયાને એક ઈનિંગ અને ૬૪ રનથી જીત અપાવી. અશ્વિનની ૧૦૦મી ટેસ્ટ બાદ જે બન્યું તેની ભારતીય બોલરે પોતે જ મજાક ઉડાવી.
બુધવાર ૧૩ જાન્યુઆરીના રોજ, અશ્વિન ઠ પર એક ટિ્વટ ફરીથી પોસ્ટ કરવામાં આવ્યું હતું, જેમાં અશ્વિનની પ્રથમ અને ૧૦૦મી ટેસ્ટના આંકડા બતાવવામાં આવ્યા હતા. અશ્વિને ૨૦૧૧માં વેસ્ટ ઈન્ડિઝ વિરુદ્ધ ટેસ્ટ ડેબ્યૂ કર્યું હતું અને તે મેચમાં ૧૨૮ રન આપીને ૯ વિકેટ લીધી હતી. ૧૩ વર્ષ બાદ તેની ૧૦૦મી ટેસ્ટમાં પણ અશ્વિને ૧૨૮ રન આપીને માત્ર ૯ વિકેટ લીધી હતી. તેનો અર્થ એ છે કે પ્રથમ અને ૧૦૦મી ટેસ્ટના આંકડા બરાબર સરખા હતા. આના પર જ અશ્વિનને મજાક સમજાઈ અને લખ્યું કે આટલા વર્ષો રમ્યા પછી પણ કઈં સુધરી શક્યું નથી.
અશ્વિન અહીં જ ન અટક્યો, તેણે તેની માતાને પણ આ મજાકમાં સામેલ કરી અને લખ્યું કે આવી વાતો ફક્ત તેની માતા જ કહી શકે છે. ૫ મેચોની શ્રેણીમાં ધીમી શરૂઆત છતાં અશ્વિનને સૌથી વધુ વિકેટ લેવાનો ફાયદો પણ મળ્યો. બુધવાર ૧૩ માર્ચે ૈંઝ્રઝ્ર દ્વારા બહાર પાડવામાં આવેલી લેટેસ્ટ રેન્કિંગમાં, અશ્વિન ફરીથી ટેસ્ટમાં નંબર ૧ બોલર બન્યો. આ રેસમાં તેણે ટીમ ઈન્ડિયાના તેના સાથી ઝડપી બોલર જસપ્રીત બુમરાહને બીજા સ્થાને ધકેલી દીધો. અશ્વિનની નજર હવે ૨૨ માર્ચથી શરૂ થનારી ૈંઁન્ ૨૦૨૪ સિઝન પર રહેશે, જ્યાં તે રાજસ્થાન રોયલ્સ તરફથી રમશે.