ટીમ ઈન્ડિયાના સ્ટાર બોલર જસપ્રીત બુમરાહથી દુનિયાનો દરેક બેટર ડરે છે. તેની તોફાની યોર્કર ગિલ્લીઓ ઉડાડતી જોવા મળે છે.
બુમરાહની અનોખી બોલિંગ એક્શન પણ આખી દુનિયામાં ફેમસ છે. જેની સામે બેટર્સ પાણી ભરતા જોવા મળે છે. ઘણા બોલરો બુમરાહની બોલિંગ એક્શનની નકલ કરવાનો પ્રયાસ કરે છે.
હાલમાં જ કેટલાક ખેલાડીઓ તેની જેમ બોલિંગ કરવાનો પ્રયાસ કરતા જોવા મળ્યા હતા, પરંતુ તમે આ પહેલાં ક્યારેય બુમરાહ જેવી બોલિંગ કરતી છોકરીને જોઈ નહીં હોય. ખરેખર, હાલ સોશિયલ મીડિયા પર એક સ્કૂલ ગર્લનો વીડિયો ઝડપથી વાઇરલ થઈ રહ્યો છે, જેમાં તે બુમરાહની જેમ બોલિંગ કરતી જોવા મળી રહી છે.