મનિકા બત્રા અન્ના હર્સીનો સામનો કરશે; ભારતીય પુરુષ ટીમ પ્રથમ રાઉન્ડમાં ચીન સામે ટકરાશે

ફ્રાન્સની રાજધાની પેરિસમાં 26 જુલાઈથી શરૂ થઈ રહેલા ઓલિમ્પિક માટેની ટેબલ ટેનિસ ઈવેન્ટનો ડ્રો જાહેર કર્યો છે. ભારતીય ટેબલ ટેનિસ ખેલાડી મનિકા બત્રાનો મુકાબલો પેરિસ 2024 ઓલિમ્પિકમાં મહિલા સિંગલ્સ ઈવેન્ટના પ્રથમ રાઉન્ડમાં ગ્રેટ બ્રિટનની 18 વર્ષીય અન્ના હર્સી સાથે થશે.

ઓલિમ્પિક 2024ની 18મી ક્રમાંકિત બત્રાએ ટોક્યો 2020માં મહિલા સિંગલ્સમાં ત્રીજા રાઉન્ડમાં પ્રવેશ મેળવ્યો હતો. રિયો 2016માં ડેબ્યૂ કર્યા બાદ આ તેની ત્રીજી ઓલિમ્પિક હશે. અન્ના હર્સી ઓલિમ્પિકમાં ડેબ્યૂ કરશે. વર્લ્ડ નંબર 28 બત્રા સ્ટેન્ડિંગમાં હર્સી કરતા આગળ છે, જે 103મા ક્રમે છે.

મેન્સ સિંગલ્સના પ્રથમ રાઉન્ડમાં ભારતના સ્ટાર પેડલર શરથ કમલનો સામનો સ્લોવેનિયાના 27 વર્ષીય ડેની કોઝુલ સામે થશે. કોજુલે ટોક્યો 2020માં ભાગ લીધો હતો જ્યારે શરથ કમલની આ પાંચમી ઓલિમ્પિક હશે.