છેલ્લા કેટલાક સમયથી એવા અહેવાલો આવી રહ્યા છે કે અરબાઝ ખાનની બીજી પત્ની શૂરા ખાન પ્રેગ્નેન્ટ છે. જોકે, પરિવારમાંથી કોઈએ આ અંગે પ્રતિક્રિયા આપી ન હતી. હવે અરબાઝ ખાને આ અહેવાલોની પુષ્ટિ કરી છે.
તેણે જણાવ્યું કે તેની પત્ની શૂરા પ્રેગ્નેન્ટ છે અને તે 57 વર્ષની ઉંમરે ફરીથી પિતા બનવાના છે. આ દરમિયાન તેણે પોતાની લાગણી પણ શેર કરી.
ETimes સાથેની વાતચીતમાં શૂરાની પ્રેગ્નેન્સીની પુષ્ટિ કરતા અરબાઝે કહ્યું, ‘હા, તે સાચું છે. હું તેનો ઇનકાર નથી કરી રહ્યો કારણ કે હવે બધા તેના વિશે જાણે છે. મારા પરિવારને તેના વિશે ખબર છે. લોકોને તેના વિશે ખબર પડી ગઈ છે અને તે ઠીક છે. તે પણ એકદમ સ્પષ્ટ થઈ રહ્યું છે.’
અરબાઝે આગળ કહ્યું, ‘આ અમારા બંનેના જીવનમાં ખૂબ જ રોમાંચક સમય છે. અમે ખુશ અને ખૂબ જ ઉત્સાહિત છીએ. અમે આ નવા જીવનનું સ્વાગત કરવા જઈ રહ્યા છીએ.’ ફરીથી પિતા બનવા વિશે વાત કરતા અરબાઝે કહ્યું, ‘દરેક વ્યક્તિ થોડો નર્વસ હોય છે. કોઈપણ માણસ નર્વસ અનુભવે છે. હું પણ લાંબા સમય પછી ફરીથી પિતા બનવાનો છું.
આ મારા માટે એક સંપૂર્ણપણે નવી લાગણી છે. હું ઉત્સાહિત, ખુશ છું અને આ ક્ષણની રાહ જોઈ રહ્યો છું. તે મને એક નવા પ્રકારની ખુશી અને જવાબદારીનો અહેસાસ આપી રહ્યો છે. અને હું તેના વિશે ખૂબ જ સારું અનુભવી રહ્યો છું.’
અરબાઝે કહ્યું કે તે એક એવો પિતા બનવા માગે છે જે તેના બાળક સાથે રહે અને તેને સપોર્ટ કરે. તેણે કહ્યું કે તે તેના બાળકની સંભાળ રાખવા માગે છે, તેને પ્રેમ આપવા માંગે છે અને તેની દરેક જરૂરિયાત પૂરી કરવાનો પ્રયાસ કરવા માગે છે.