એજ શેમિંગના કારણે ઝરીન ખાન ટ્રોલ થઈ હતી, હવે એક્ટ્રેસે ટીકા કરનારાઓને બરોબરનો જવાબ આપ્યો છે. ઝરીન ખાને તેના ઓફિશિયલ ઇન્સ્ટાગ્રામ એકાઉન્ટ પરથી એક વીડિયો શેર કર્યો, જેમાં તેણે કહ્યું છે કે ‘હેલો, મેં મારા વીડિયો પર, મારી પોસ્ટ પર કેટલીક કોમેન્ટ વાંચી છે. એક કોમેન્ટ ખૂબ જ અલગ હતી. શું તમને ખબર છે કે કઈ…. ‘લગ્ન કરી લો, ઉંમર થઈ રહી છે તમારી’, તો શું હું લગ્ન કર્યા પછી ફરીથી યુવાન થઈશ. આનો મતલબ શું હશે?
આગળ, એક્ટ્રેસે કહ્યું- ‘મને સમજાતું નથી કે આ ફક્ત આપણા દેશમાં જ છે કે પછી તે બધે જ સમસ્યા છે. કોઈક રીતે લગ્નને દરેક વસ્તુનો ઉકેલ માનવામાં આવે છે. જો કોઈ વ્યક્તિ જીવનમાં ધ્યાન કેન્દ્રિત ન કરે, કામ ન કરે, તો પરિવારનો ઉકેલ એ છે કે તેના લગ્ન કરાવી દેવામાં આવે. આ ઉકેલ કેવી રીતે હોઈ શકે? જે વ્યક્તિ પોતાની સંભાળ રાખી શકતો નથી, નિરાધાર લોકોની સંભાળ રાખી શકતો નથી, તમે તેના પર બીજી જવાબદારી નાખો છો. તે પોતાનું જીવન તેમજ બીજા વ્યક્તિનું જીવન બગાડશે. તેથી મને નથી લાગતું કે આ કામ કરશે.’
ઝરીને આગળ કહ્યું- ‘શું લગ્ન કોઈ જાદુ છે? મને જે દેખાય છે તે મુજબ, આજકાલ મોટાભાગના લગ્ન 2-3 મહિનાથી વધુ ટકતા નથી. મને બિલકુલ નથી લાગતું કે લગ્ન દરેક સમસ્યાનો ઉકેલ છે.’