બનાસકાંઠા જિલ્લામાં નારી વંદન ઉત્સવ સપ્તાહની ઉજવણી અંતર્ગત કર્મયોગી દિવસ થીમ પર એક મહત્વપૂર્ણ સેમિનારનું આયોજન કરવામાં આવ્યું. જિલ્લા પંચાયત હોલ પાલનપુર ખાતે યોજાયેલા આ સેમિનારમાં મહિલા કર્મચારીઓ માટે કાર્યસ્થળ પર જાતીય સતામણી (પ્રતિબંધ અને નિવારણ) અધિનિયમ, 2013 અંગે જાગૃતિ લાવવાનો પ્રયાસ કરાયો.
જિલ્લા કલેક્ટર મિહિર પટેલના માર્ગદર્શન હેઠળ આયોજિત આ કાર્યક્રમમાં જિલ્લાની વિવિધ કચેરીઓમાં કાર્યરત મહિલા કર્મચારીઓએ મોટી સંખ્યામાં ભાગ લીધો. સેમિનારમાં મહિલાઓને તેમના કાયદાકીય અધિકારો અને હક્કો વિશે માહિતી આપવામાં આવી.
આ કાર્યક્રમનો મુખ્ય ઉદ્દેશ સમાજમાં મહિલાઓને મુખ્ય પ્રવાહમાં લાવવાનો હતો. સાથે જ મહિલાઓને સુરક્ષા અને સલામતી પ્રદાન કરવી અને મહિલા સશક્તિકરણ પર ભાર મૂકવામાં આવ્યો.