જામનગરમાં રાજ્યના મુખ્યમંત્રી ભૂપેન્દ્ર પટેલનું એરપોર્ટ પર ઉષ્માભર્યું સ્વાગત કરવામાં આવ્યું છે. મુખ્યમંત્રીની અધ્યક્ષતામાં દેવભૂમિ દ્વારકા જિલ્લાના ભાણવડ તાલુકામાં આવેલા બરડા વન્યજીવ અભયારણ્ય-ટીંબડી ખાતે વિશ્વ સિંહ દિવસની ઉજવણી થનાર છે.
મુખ્યમંત્રીના આગમન પર એરપોર્ટ ખાતે અનેક મહાનુભાવોએ તેમનું સ્વાગત કર્યું હતું. આ પ્રસંગે રાજ્યના વન અને પર્યાવરણ મંત્રી મુળુભાઈ બેરા પણ ઉપસ્થિત રહ્યા હતા.
સ્વાગત સમારોહમાં ઇન્ચાર્જ કલેક્ટર અને જિલ્લા વિકાસ અધિકારી અંકિત પન્નુ, મ્યુનિસિપલ કમિશનર ડી.એન.મોદી તથા જિલ્લા પોલીસ વડા પ્રેમસુખ ડેલુ સહિતના અધિકારીઓ હાજર રહ્યા હતા.
વિશ્વ સિંહ દિવસની ઉજવણી બરડા વન્યજીવ અભયારણ્યમાં યોજાનાર છે, જેમાં મુખ્યમંત્રી ભૂપેન્દ્ર પટેલ અધ્યક્ષ તરીકે હાજરી આપશે. આ કાર્યક્રમ દ્વારા સિંહ સંરક્ષણ અંગે જાગૃતિ ફેલાવવાનો પ્રયાસ કરવામાં આવશે.