વાગડ વિસ્તારના રાપર તાલુકાના હમીરપર ગામના વતની દિલીપકુમાર વેલજીભાઈ ભાટીયાનું 21 વર્ષની ભારતીય સેનામાંથી નિવૃત્તિ બાદ વતનમાં ભવ્ય સ્વાગત કરવામાં આવ્યું.
વાળંદ સમાજના આ ગૌરવ સમાન જવાનનું રાપર શહેરના નગાસર તળાવ ખાતે સન્માન કરાયું. આ અવસરે ધારાસભ્ય વિરેન્દ્રસિંહ જાડેજા, વાસુદેવ જોશી, અરવિંદ ભાટીયા, કાનાભાઈ ગોહીલ, હમીરજી સોઢા, ભરત રાજપૂત, વિનુભાઇ થાનકી સહિતના આગેવાનો અને વાળંદ સમાજના સભ્યો ઉપસ્થિત રહ્યા હતા.
દિલીપકુમાર ભાટીયાએ જામનગર ARO ભારતીય લશ્કરમાં જોડાયા બાદ કઠિન તાલીમ પૂર્ણ કરી હતી. તેમની પ્રથમ પોસ્ટિંગ 8 ફેબ્રુઆરી 2006માં પોકરણ ગઢમાં તોપની ફાયરિંગ માટે થઈ હતી. ડિસેમ્બર 2007માં તેમને ત્રણ વર્ષ માટે ઉરી સેક્ટર, જમ્મુ-કાશ્મીરમાં તૈનાત કરવામાં આવ્યા હતા.