રિલાયન્સ ઈન્ડસ્ટ્રીઝના સામાજિક ઉત્તરદાયિત્વ વિભાગે પશુઓની સુરક્ષા માટે નવતર પહેલ શરૂ કરી છે. કંપનીના કોર્પોરેટ અફેર્સના પ્રેસિડેન્ટ ધનરાજભાઈ નથવાણીના માર્ગદર્શન હેઠળ આ અભિયાન ચલાવવામાં આવી રહ્યું છે. રાત્રિના સમયે થતા અકસ્માતોથી પશુઓને બચાવવા માટે તેમને રિફ્લેક્ટર બેલ્ટ પહેરાવવામાં આવી રહ્યા છે. છેલ્લા પાંચ દિવસમાં 600થી વધુ પશુઓને આ સુરક્ષા બેલ્ટ લગાવવામાં આવ્યા છે
મોટી ખાવડી ગ્રામ પંચાયતના નવનિયુક્ત સરપંચ ગરવાભાઈ મોરી અને ઉપસરપંચ હેમુભા જાડેજાના નેતૃત્વમાં સ્થાનિક લોકો પણ આ અભિયાનમાં જોડાયા છે. ગ્રામ પંચાયતના સભ્યો અને ગામના આગેવાનો સહિત યુવાનો પણ આ સેવાકીય કાર્યમાં સક્રિય ભાગ લઈ રહ્યા છે.
આ અભિયાન હવે જામનગર અને દ્વારકા તરફના રસ્તાઓ પર તેમજ આસપાસના ગામોમાં પણ વિસ્તારવામાં આવશે. આ પહેલથી રાત્રે રસ્તા પર રખડતા પશુઓની સુરક્ષા વધશે અને અકસ્માતોને રોકી શકાશે.