ધોળકામાં મીઠીકુઇ સર્કલ પાસે આવેલા શક્તિ કોટન જીનમાં આજે અચાનક આગ લાગવાની ઘટના બની હતી. કપાસના જીનમાં રહેલા રૂમાં આગ ભભૂકી ઊઠતાં વિસ્તારમાં અફરાતફરીનો માહોલ સર્જાયો હતો.
આગની જાણ થતાં જ સ્થાનિક લોકોના ટોળેટોળા ઘટનાસ્થળે એકઠા થયા હતા. તાત્કાલિક ધોળકા ફાયર વિભાગને જાણ કરવામાં આવી હતી.
ફાયર વિભાગની બે ગાડીઓ તરત જ ઘટનાસ્થળે પહોંચી ગઈ હતી. ફાયર બ્રિગેડની ટીમે ભારે જહેમત બાદ આગ પર કાબૂ મેળવ્યો હતો.
આગ લાગવાના કારણની તપાસ હજુ ચાલી રહી છે. સદનસીબે આ ઘટનામાં કોઈ જાનહાનિ થઈ નથી. જો કે આગથી થયેલા નુકસાનનો અંદાજ મેળવવાની કાર્યવાહી ચાલુ છે.