મંગળવારે પાપુઆ ન્યુ ગિનીના બીજા સૌથી મોટા શહેર લાએ નજીક ૬.૬ ની તીવ્રતાનો ભૂકંપ આવ્યો હતો, એમ યુએસ જીઓલોજિકલ સર્વે (USGS) એ જણાવ્યું હતું.
શહેર પોલીસ અધિકારી મિલ્ડ્રેડ ઓંગિગેએ ટેલિફોનિક વાતચીતમાં મીડિયાને જણાવ્યું હતું કે “ખૂબ જ મોટો” ભૂકંપ અનુભવાયો હતો. “થોડી મિનિટો પહેલાનો આંચકો હતો તેથી અમારી પાસે નુકસાનની વધુ કોઈ વિગતો નથી પરંતુ અમે ચિંતિત છીએ,” તેમણે ઉમેર્યું.
તાત્કાલિક સ્થાનિક સ્તરે નુકસાનના કોઈ અહેવાલ નથી.
પેસિફિક સુનામી ચેતવણી કેન્દ્ર અનુસાર, ૧૦ કિમીની ઊંડાઈએ આવેલા ભૂકંપ પછી સુનામીની ચેતવણી જારી કરવામાં આવી ન હતી.
USGS અનુસાર, ભૂકંપનું કેન્દ્ર લાએ શહેરથી ૨૬ કિમી (શ્૧૬ માઇલ) દૂર હતું, જેની વસ્તી ૭૬,૦૦૦ થી વધુ છે અને તે દેશના મોરોબે પ્રાંતમાં સ્થિત છે.
જર્મન રિસર્ચ સેન્ટર ફોર જીઓસાયન્સિસ દ્વારા શરૂઆતમાં ભૂકંપની તીવ્રતા ૬.૮ ની નોંધવામાં આવી હતી, ત્યારબાદ એજન્સીએ તેને ૬.૬ માં સુધારી હતી.
પાપુઆ ન્યુ ગિની પેસિફિક મહાસાગરના “રિંગ ઓફ ફાયર” માં ફેલાયેલું છે, જે વારંવાર ભૂકંપ માટે જાણીતું ક્ષેત્ર છે.
ગયા વર્ષે માર્ચમાં, દેશના ઉત્તરમાં આવેલા દૂરના પૂર્વ સેપિક પ્રાંતમાં ૬.૭ ની તીવ્રતાના ભૂકંપમાં ત્રણ લોકો માર્યા ગયા હતા અને ૧,૦૦૦ થી વધુ ઘરો નાશ પામ્યા હતા.