હુમલા બાબતે વાત કરતા ગાઝાના આરોગ્ય મંત્રાલયે જણાવ્યું હતું કે ૨૦૨૩ માં યુદ્ધ શરૂ થયા પછી ગાઝામાં પેલેસ્ટિનિયન મૃત્યુઆંક ૭૦,૦૦૦ ને વટાવી ગયો છે. તાજેતરના હુમલામાં, દક્ષિણ ગાઝાની એક હોસ્પિટલે અહેવાલ આપ્યો છે કે ઇઝરાયલી ગોળીબારમાં બે પેલેસ્ટિનિયન બાળકો માર્યા ગયા હતા.
૧૦ ઓક્ટોબરથી અમલમાં આવેલા યુદ્ધવિરામ પછી પણ મૃત્યુઆંક વધતો રહ્યો છે. હમાસ સંચાલિત વહીવટ હેઠળ કાર્યરત આરોગ્ય મંત્રાલયના જણાવ્યા અનુસાર, આ સંખ્યા હવે ૭૦,૧૦૦ લોકો છે.
૭ ઓક્ટોબર, ૨૦૨૩ ના રોજ દક્ષિણ ઇઝરાયલ પર હમાસના નેતૃત્વ હેઠળના હુમલાથી યુદ્ધ શરૂ થયું હતું, જેમાં લગભગ ૧,૨૦૦ લોકો માર્યા ગયા હતા અને ૨૫૦ લોકોને બંધક બનાવવામાં આવ્યા હતા.
લગભગ તમામ બંધકો, અથવા તેમના અવશેષો, યુદ્ધવિરામ અથવા વાટાઘાટો દ્વારા પરત કરવામાં આવ્યા છે.
અહેવાલો મુજબ, ગાઝાની નાસેર હોસ્પિટલના સ્ટાફે, જેણે બે છોકરાઓના મૃતદેહ મેળવ્યા હતા, જણાવ્યું હતું કે તાજેતરના હુમલામાં બેની સુહેલા શહેરમાં વિસ્થાપિત પરિવારોને આશ્રય આપતી શાળા નજીક ઇઝરાયલી ડ્રોન દ્વારા હુમલો કરવામાં આવ્યો હતો જેમાં ૮ અને ૧૧ વર્ષના બંને ભાઈઓ માર્યા ગયા હતા.
ઇઝરાયલી સૈન્યએ જણાવ્યું હતું કે તેણે ઇઝરાયલી-નિયંત્રિત વિસ્તારમાં પ્રવેશ કરનારા, “શંકાસ્પદ પ્રવૃત્તિઓ હાથ ધરનારા” અને સૈનિકો પાસે પહોંચેલા બે લોકો માર્યા ગયા હતા.
નિવેદનમાં બાળકોનો ઉલ્લેખ કરવામાં આવ્યો ન હતો. સૈન્યએ ઉમેર્યું હતું કે તેણે દક્ષિણમાં એક અલગ, સમાન ઘટનામાં બીજા વ્યક્તિની હત્યા કરી હતી.
આરોગ્ય મંત્રાલયના જણાવ્યા અનુસાર, યુદ્ધવિરામ અમલમાં આવ્યા પછી ગાઝામાં મૃત્યુઆંક વધી રહ્યો છે, પેલેસ્ટિનિયન પ્રદેશમાં ઓછામાં ઓછા ૩૫૨ પેલેસ્ટિનિયન માર્યા ગયા છે.
ઇઝરાયલ યુદ્ધવિરામનું ઉલ્લંઘન કરવાનો ઇનકાર કરવાનું ચાલુ રાખે છે અને કહે છે કે તેની કાર્યવાહી યુદ્ધવિરામનું ઉલ્લંઘન કરવાના આરોપી આતંકવાદીઓને લક્ષ્ય બનાવે છે. શનિવારે, હમાસે ફરીથી મધ્યસ્થીઓને વિનંતી કરી કે તેઓ ઇઝરાયલ પર ગાઝામાં યુદ્ધવિરામ ઉલ્લંઘનને રોકવા માટે દબાણ કરે.
ઇઝરાયલી સંરક્ષણ દળોએ કહ્યું કે તેઓએ બે શંકાસ્પદોને નિશાન બનાવ્યા હતા જેમણે “પીળી રેખા” તરીકે વર્ણવેલ માર્ગ પાર કર્યો હતો.
આ રેખા એ સ્થિતિને ચિહ્નિત કરે છે જ્યાં સાત અઠવાડિયા કરતાં વધુ સમય પહેલાં યુએસ-મધ્યસ્થી યુદ્ધવિરામ હેઠળ ઇઝરાયેલી દળો પાછા હટવા માટે સંમત થયા હતા.
દક્ષિણ ઇઝરાયલ પરના હુમલામાં હમાસના નેતૃત્વ હેઠળના આતંકવાદીઓએ ૧,૨૦૦ લોકોને માર્યા ગયા, જેમાં મોટાભાગના નાગરિકો હતા અને ૨૫૧ બંધકોને કબજે કર્યા પછી ગાઝામાં યુદ્ધ શરૂ થયું.
ઇઝરાયલના બદલો લેવાના હુમલાએ આખા પરિવારોને બરબાદ કરી દીધા છે.
મોઆઝ મઘારીએ જણાવ્યું હતું કે મધ્ય ગાઝા પટ્ટીમાં બુરેઇજ કેમ્પના પ્રવેશદ્વાર પાસે બે રહેણાંક ઇમારતોને નષ્ટ કરનારા ઇઝરાયલી હવાઈ હુમલાઓમાં તેણે ૬૨ સંબંધીઓ ગુમાવ્યા છે, જેમાં તેના માતાપિતા અને ચાર ભાઈ-બહેનોનો સમાવેશ થાય છે.
તેણે મીડિયા સુત્રોને જણાવ્યું હતું કે જ્યારે તેણે વિસ્ફોટનો અવાજ સાંભળ્યો અને આકાશ ધૂળથી ઘેરાઈ ગયું. તે ઘરે દોડી ગયો અને જાેયું કે તેના પરિવારની ઇમારત કાટમાળમાં ફેરવાઈ ગઈ હતી.
“પછી મને ખ્યાલ આવ્યો કે શું થયું, મેં બધું ગુમાવ્યું, મેં બધા ગુમાવ્યા,” મઘારીએ કહ્યું.
બે વર્ષ કરતાં વધુ સમય પહેલા સંઘર્ષ શરૂ થયો ત્યારથી ઇઝરાયલની સેનાએ નાગરિકોને નિશાન બનાવવાનો ઇનકાર કર્યો છે.