અમેરિકી પ્રમુખ ટ્રમ્પ ને ટેરિફ મુદ્દે હોંગકોંગ સરકાર નો જડબાતોડ જવાબ
અમેરિકન પ્રમુખ ડોનાલ્ડ ટ્રમ્પે ગત સપ્તાહે કોઈપણ દેશને રાહત ન આપવાની જાહેરાત કરી હતી. તેમણે અમેરિકામાં આવતા ૮૦૦ ડૉલરથી ઓછી કિંમતના પેકેજ પર અપાતી છૂટ બંધ કરવાની જાહેરાત કરી હતી, ત્યારે હવે હોંગકોંગ સરકારે ટ્રમ્પના આ ર્નિણયનો ઉલ્લેખ કરી વળતો જવાબ આપ્યો છે અને અમેરિકન પાર્સલની ડિલીવરી અને સપ્લાય બંધ કરવાનો ર્નિણય કર્યો છે.
અમેરિકી ટેરિફ મુદ્દે હોંગકોંગ સરકારે કહ્યું હતું કે, ‘અમેરિકા અયોગ્ય વ્યવહાર કરી રહ્યો છે, ધમકીઓ આપી રહ્યા છે અને ખોટી રીતે ટેરિફ ઝિંકી રહ્યા છે. હોંગકોંગે ટ્રમ્પ સરકારના અયોગ્ય વ્યવહાર અને ધમકાવતી હરકતોને ધ્યાને રાખી નાગરિકોને વધુ પડતી અને ગેરવાજબી ટેક્સની ચૂકવણી કરવા માટે તૈયાર રહેવા કહ્યું છે. સૌથી ચોંકાવનારી વાત એ છે કે, અમેરિકામાં અત્યાર સુધી નાના પાર્સલ પર કોઈ ટેક્સ લાગુ પડતો ન હતો, જાેકે હવે ટ્રમ્પ સરકાર આવ્યા બાદ નાના પાર્સલ પર પણ ટેક્સ ઝિંકી દેવાયો છે.
અમેરિકામાં પરદેશથી આવતી ૮૦૦ ડૉલર સુધીની પ્રોડક્ટ પર ૯૦ ટકા ટેક્સ ઝીંકવાની જાહેરાત કરી છે, એટલે કે હવે જે પ્રોડક્ટ બહારના દેશોમાંથી આવશે તેના પર પ્રોડક્ટની કિંમતના ૯૦ ટકા રકમ ચુકવવી પડશે. અગાઉ ૩૦ ટકા ટેક્સ ઝિંકવાની યોજના હતી. આ પહેલા અમેરિકામાં પરદેશથી ઓછી કિંમતની આવતી પ્રોડક્ટો પર કોઈ ટેક્સ નહોતો, જાેકે હવે ટ્રમ્પે ટેક્સ ઝિંકવાની જાહેરાત કરી છે.
મહત્વનું છે કે, અમેરિકાની ટ્રમ્પ સરકારે માત્ર ટેરિફ જ નહીં, ડાક ખર્ચ પણ વધારી દીધો છે. ડાક ખર્ચ પર ૨૫ ડૉલર ઝિંકવાની વાતો ચાલતી હતી, જાેકે હવે બીજી મેથી પહેલી જૂન વચ્ચે અમેરિકામાં પરદેશથી આવતા પ્રોડક્ટ પર ૭૫ ડૉલર ડાક ખર્ચ ઝિંકી દેવાયો છે. પહેલી જૂન બાદ ડાક ખર્ચમાં વધુ વધારો કરાશે. પહેલા ૫૦ ડૉલર ખર્ચ વધરવાની યોજના હતી, જાેકે હવે તેને વધારીને ૧૫૦ ડૉલર કરી દેવાશે.