આમ આદમી પાર્ટીના લુધિયાણા દક્ષિણના ધારાસભ્ય રાજેન્દ્રપાલ કૌર છીના બુધવારે વહેલી સવારે ખાનૌરી બોર્ડર પાસે એક માર્ગ અકસ્માતનો ભોગ બન્યા. અહેવાલો અનુસાર, તેમની ઇનોવા કાર અચાનક વાહનની સામે કંઈક આવી જતાં ડિવાઇડર સાથે અથડાઈ હતી. આ અકસ્માતમાં ધારાસભ્ય અને તેમના ગનમેનને ઇજાઓ થઈ હતી.
છીનાને અનેક ઇજાઓ થઈ હોવાનું કહેવાય છે અને તેમને પહેલા કૈથલની હોસ્પિટલમાં લઈ જવામાં આવ્યા હતા અને પછી તેમને વધુ સારવાર માટે લુધિયાણાની હોસ્પિટલમાં રિફર કરવામાં આવ્યા હતા.
આપના ધારાસભ્ય અમેરિકાથી આવી રહ્યા હતા
સૂત્રોએ જણાવ્યું હતું કે છીના તાજેતરમાં એક કોન્ફરન્સમાં હાજરી આપવા માટે અમેરિકા ગયા હતા. તેઓ મંગળવારે મોડી રાત્રે દિલ્હી એરપોર્ટ પર ઉતર્યા હતા, જ્યાં તેમના પતિ, પુત્ર, ગનમેન અને ડ્રાઇવરે તેમનું સ્વાગત કર્યું હતું. અકસ્માત થયો ત્યારે આ જૂથ ઇનોવામાં પંજાબ જઈ રહ્યું હતું.
તબીબી અધિકારીઓએ પુષ્ટિ આપી છે કે ધારાસભ્ય સારવાર હેઠળ છે અને ખતરાની બહાર છે. તેમના ગનમેન, જેને પણ ઇજાઓ થઈ છે, તેમને તબીબી સારવાર આપવામાં આવી રહી છે.
અકસ્માતના કારણ વિશે વધુ વિગતોની રાહ જાેવાઈ રહી છે.