આર્મી હેડક્વાર્ટર ખાતે ‘એક દિવસ, એક કલાક, એક સાથે‘ અભિયાન શરૂ કરવામાં આવ્યું; સંરક્ષણ મંત્રીએ સ્વચ્છ અને હરિયાળા ભારત બનાવવા માટે યુવાનો અને સશસ્ત્ર દળોની ભૂમિકા પર પ્રકાશ પાડ્યો હતો
સંરક્ષણ મંત્રી શ્રી રાજનાથ સિંહે ૨૫ સપ્ટેમ્બર, ૨૦૨૫ના રોજ આર્મી હેડક્વાર્ટર ખાતે યુનિટ રન કેન્ટીન ખાતે ‘એક દિવસ, એક કલાક, એક સાથે‘ નામની એક ખાસ સ્વચ્છતા પહેલનું નેતૃત્વ કર્યું હતું. આ ઝુંબેશ ૧૭ સપ્ટેમ્બર, ૨૦૨૫થી ૨ ઓક્ટોબર, ૨૦૨૫ સુધી સંરક્ષણ મંત્રાલય દ્વારા ચલાવવામાં આવી રહેલા ‘સ્વચ્છતા હી સેવા‘ અભિયાન હેઠળ સ્વચ્છતા ઉત્સવ ૨૦૨૫નો એક ભાગ હતો. આ કાર્યક્રમ સ્વચ્છ, હરિયાળો અને સ્વસ્થ વાતાવરણ બનાવવામાં સામૂહિક પ્રયાસની શક્તિ પર પ્રકાશ પાડે છે. આ વર્ષની થીમ રાષ્ટ્રની ઉજવણીની ભાવના સાથે જાેડાય છે અને સ્વચ્છ ભારતના વિઝનને મજબૂત બનાવે છે.
આ કાર્યક્રમ દરમિયાન શ્રી રાજનાથ સિંહે “સ્વચ્છતા સંકલ્પ” લીધો, જે સ્વચ્છતા પ્રત્યેની તેમની પ્રતિબદ્ધતાનો પુનરાવર્તિત કરે છે. તેમણે સફાઈ મિત્રને સ્વચ્છતા પ્રત્યેના તેમના સમર્પણ બદલ સન્માનિત કર્યા અને પર્યાવરણને અનુકૂળ, શૂન્ય-કચરો વાતાવરણને પ્રોત્સાહન આપવા માટે વૃક્ષારોપણ અભિયાનમાં ભાગ લીધો. એક પ્રતીકાત્મક પહેલ તરીકે તેમણે ૧૦૦ દ્ગઝ્રઝ્ર કેડેટ્સ સાથે સ્વચ્છતા દોડને લીલી ઝંડી આપી જેમાં સ્વચ્છ ભારત અભિયાનને આગળ વધારવામાં યુવાનોની ભૂમિકા પર પ્રકાશ પાડવામાં આવ્યો હતો.
સભાને સંબોધતા સંરક્ષણ મંત્રીએ કહ્યું કે સ્વચ્છતા ફક્ત સાફ-સફાઈ પુરતું નથી, પરંતુ એક “જીવનશૈલી” છે જે શિસ્ત અને જવાબદારીને પ્રતિબિંબિત કરે છે. તેમણે સમજાવ્યું કે સ્વચ્છ વાતાવરણ આરોગ્ય, માનસિક સુખાકારી અને આંતરિક શાંતિમાં સુધારો કરે છે, જ્યારે અસ્વચ્છ જગ્યાઓ રોગ અને નકારાત્મકતા ફેલાવી શકે છે. ભારતની પરંપરાઓનો ઉલ્લેખ કરતા તેમણે કહ્યું કે સ્વચ્છતાને હંમેશા સભ્ય સમાજની ઓળખ માનવામાં આવે છે.
તેમણે પ્રધાનમંત્રી શ્રી નરેન્દ્ર મોદીના સ્વચ્છતાને એક જન આંદોલન બનાવવાના વિઝન પર પ્રકાશ પાડ્યો હતો, જ્યાં દરેક વ્યક્તિ જવાબદારી લે છે. સંરક્ષણ મંત્રાલય જન અભિયાન, કચરાથી સંપત્તિ પહેલ દ્વારા યોગદાન આપી રહ્યું છે અને શિબિરો અને કચેરીઓને સ્વચ્છતાના મોડેલ કેન્દ્રોમાં પરિવર્તિત કરી રહ્યું છે.
સંરક્ષણ મંત્રીએ એ વાતનો ગર્વ પણ વ્યક્ત કર્યો કે હવે તમામ લશ્કરી છાવણીઓ ખુલ્લામાં શૌચ મુક્ત છે, જે સશસ્ત્ર દળોના શિસ્ત અને નાગરિક કાર્યબળના સમર્પણને પ્રતિબિંબિત કરે છે. તેમણે કહ્યું કે સ્વસ્થ, સ્વચ્છ અને જાગૃત સમાજ રાષ્ટ્રીય સુરક્ષાનો આધારસ્તંભ છે અને દરેકને સ્વચ્છતાને રાષ્ટ્રીય ફરજ તરીકે અપનાવવા અને અન્ય લોકોને સ્વચ્છ, સ્વસ્થ અને વિકસિત ભારત માટે યોગદાન આપવા પ્રેરણા આપવાનો આગ્રહ કર્યો હતો.
આ અભિયાનમાં ચીફ ઓફ ડિફેન્સ સ્ટાફ જનરલ અનિલ ચૌહાણ, ચીફ ઓફ આર્મી સ્ટાફ જનરલ ઉપેન્દ્ર દ્વિવેદી, ચીફ ઓફ એર સ્ટાફ એર ચીફ માર્શલ એપી સિંહ, સેક્રેટરી ડૉ. નીતિન ચંદ્રા, સેક્રેટરી DDR&D અને ચેરમેન DRDO ડૉ. સમીર વી કામત, નાણાકીય સલાહકાર (સંરક્ષણ સેવાઓ) ડૉ. મયંક શર્મા સહિત સંરક્ષણ મંત્રાલયના વરિષ્ઠ અધિકારીઓ અને કર્મચારીઓ ઉપસ્થિત રહ્યા હતા.