કોલકાતા હાઈકોર્ટે ગુરુવારે ઇન્ફ્લુએન્સર શર્મિષ્ઠા પાનોલીને વચગાળાના જામીન મંજૂર કર્યા, જેમની સોશિયલ મીડિયા પર કોમી ટિપ્પણીઓ સાથેનો વીડિયો પોસ્ટ કરવાના આરોપમાં ધરપકડ કરવામાં આવી છે.
કોર્ટે સોશિયલ મીડિયા ઇન્ફ્લુએન્સરને ?૧૦,૦૦૦ ના જામીન બોન્ડ ભરવાનો નિર્દેશ આપ્યો છે.
૨૨ વર્ષીય શર્મિષ્ઠાની ગયા અઠવાડિયે હરિયાણાના ગુરુગ્રામથી કોલકાતા પોલીસે ધરપકડ કરી હતી. તેણી પર સોશિયલ મીડિયા પર હાલમાં ડિલીટ કરાયેલા વીડિયોમાં ‘સાંપ્રદાયિક‘ ટિપ્પણીઓ દ્વારા ધાર્મિક લાગણીઓને ઠેસ પહોંચાડવાનો આરોપ છે.
શર્મિષ્ઠાની ધરપકડને કારણે પશ્ચિમ બંગાળમાં રાજકીય વિવાદ સર્જાયો છે, વિપક્ષ ભારતીય જનતા પાર્ટી (ભાજપ) એ શર્મિષ્ઠા પનોલીની ધરપકડને “પસંદગીયુક્ત અમલ” ગણાવી છે અને કોલકાતા પોલીસ પર “અનૈતિક ઉતાવળ” માં કામ કરવાનો આરોપ લગાવ્યો છે.