ભારતના રાષ્ટ્રપતિ શ્રીમતી દ્રૌપદી મુર્મુએ આજે (૨૫ જુલાઈ, ૨૦૨૫) કાર્યાલયમાં ત્રણ વર્ષ પૂર્ણ કર્યા છે.
રાષ્ટ્રપતિ દ્રૌપદી મુર્મુ તેમના કાર્યકાળના ત્રીજા વર્ષ પૂર્ણ કરી રહ્યા છે અને રાષ્ટ્રપતિ ભવન અને રાષ્ટ્રપતિ ભવન ક્ષેત્રે હાથ ધરવામાં આવેલી વિવિધ મહત્વપૂર્ણ પહેલોમાં ભાગ લીધો, જેમાં સામેલ છે:
• દિવ્યાંગજન-મૈત્રીપૂર્ણ રાષ્ટ્રપતિ સંપદાની ઘોષણા. પંડિત દીનદયાળ ઉપાધ્યાય રાષ્ટ્રીય શારીરિક વિકલાંગતા ધરાવતી વ્યક્તિઓ માટે સંસ્થા દ્વારા ૫૦-મુદ્દાની ભલામણને અમલમાં મૂક્યા પછી રાષ્ટ્રપતિ ભવન, અમૃત ઉદ્યાન અને રાષ્ટ્રપતિ ભવન સંગ્રહાલય દિવ્યાંગજન-મૈત્રીપૂર્ણ પરિસર બન્યા.
• ૨૨ ભારતીય ભાષાઓમાં રાષ્ટ્રપતિ ભવનની વેબસાઇટ્સનું લોન્ચિંગ. રાષ્ટ્રપતિ ભવનની સત્તાવાર વેબસાઇટ્સ – https://www.rashtrapatibhavan.gov.in/ અને https://www.presidentofindia.gov.in/ – હવે ૨૨ ભારતીય ભાષાઓમાં ઉપલબ્ધ છે.
• રાષ્ટ્રપતિ ભવનના મુલાકાતીઓ અને રહેવાસીઓ માટે વિવિધ સુવિધાઓનું જેમ કે રાષ્ટ્રપતિ ભવનમાં મુલાકાતી સુવિધા કેન્દ્ર, હૈદરાબાદના રાષ્ટ્રપતિ નિલયમ ખાતે નિલયમ કુંજ, મશોબ્રાના રાષ્ટ્રપતિ નિવાસ ખાતે કાફેટેરિયા, સોવેનીર શોપ અને રિસેપ્શન રૂમ અને રાષ્ટ્રપતિ ભવનમાં નવીનીકૃત જીમ ઉદ્ઘાટન કરવામાં આવ્યું છે.
• ઈ-ઉપહાર સીઝન ૨નું લોન્ચિંગ, જેમાં ૨૫૦થી વધુ વસ્તુઓની હરાજી થશે. હરાજીમાંથી મળેલી બધી રકમ બાળકોના કલ્યાણને ટેકો આપતી પહેલોને દાનમાં આપવામાં આવશે. વિગતો – https://upahaar.rashtrapatibhavan.gov.in/
• ઈ-બુકનું લોન્ચિંગ – રાષ્ટ્રપતિ પદના છેલ્લા એક વર્ષની ઝલકનું સંકલન (લિંક https://rb.nic.in/eboko25.htm).
• માર્ચ ૨૦૨૭ સુધીમાં રાષ્ટ્રપતિ ભવનને નેટ ઝીરો બનાવવા માટે પહેલ શરૂ.
વિવિધ પહેલોના લોન્ચિંગ પ્રસંગે પોતાના ટૂંકા ભાષણમાં રાષ્ટ્રપતિએ કહ્યું કે, એ સંતોષની વાત છે કે છેલ્લા ત્રણ વર્ષમાં, ઘણા ર્નિણયો લેવામાં આવ્યા છે અને કાર્યો કરવામાં આવ્યા છે. જેનાથી રાષ્ટ્રપતિ ભવનમાં નાગરિકોનો સમાવેશ વધ્યો છે. સમાજના તમામ વર્ગો, ખાસ કરીને વંચિત અને પછાત વર્ગોને દેશની વિકાસ યાત્રા સાથે અસરકારક રીતે જાેડવાનો અમારો હંમેશા પ્રયાસ રહ્યો છે. રાષ્ટ્રપતિ ભવનમાં દિવ્યાંગજનો માટે વધુ સુલભતા પ્રાપ્ત થઈ તે અંગે તેમણે ખુશી વ્યક્ત કરી. તેમણે વિશ્વાસ વ્યક્ત કર્યો કે આગામી દિવસોમાં વિવિધ નવી પહેલો થશે.