મુખ્ય આર્થિક સલાહકાર વી. અનંત નાગેશ્વરને જણાવ્યું હતું કે યુએસ સરકાર દ્વારા ભારતીય આયાત પર લાદવામાં આવેલ દંડાત્મક ટેરિફ ૩૦ નવેમ્બર પછી પાછો ખેંચી શકાય છે, અને ઉમેર્યું હતું કે તેઓ બંને દેશો વચ્ચેના વેપાર સંબંધોમાં નોંધપાત્ર સુધારો થવાની આશા રાખે છે.
ભારત અને યુએસ વચ્ચેના ટેરિફ વિવાદ પર ટિપ્પણી કરતા, વરિષ્ઠ અધિકારીએ નોંધ્યું હતું કે પરિસ્થિતિને હળવી કરવા માટે પગલાં લેવામાં આવી રહ્યા છે.
“આપણે બધા પહેલેથી જ કામ કરી રહ્યા છીએ, અને હું અહીં ટેરિફ વિશે વાત કરવા માટે થોડો સમય કાઢીશ. હા, ૨૫ ટકાનો મૂળ પારસ્પરિક ટેરિફ વત્તા ૨૫ ટકાનો દંડાત્મક ટેરિફ બંને અપેક્ષિત નહોતા. હું હજુ પણ માનું છું કે ભૂરાજકીય પરિસ્થિતિઓ બીજા ૨૫ ટકા ટેરિફ તરફ દોરી ગઈ હશે, પરંતુ છેલ્લા બે અઠવાડિયામાં તાજેતરના વિકાસને ધ્યાનમાં લેતા, હું માનું છું અને મારી પાસે કહેવાનું કોઈ ખાસ કારણ નથી, તેથી તે મારા અંત:પ્રેરણા છે કે હું માનું છું કે દંડાત્મક ટેરિફ ૩૦ નવેમ્બર પછી રહેશે નહીં,” મીડિયા સૂત્રો દ્વારા તેમને ટાંકીને કહેવામાં આવ્યું હતું.
સીઈએ નાગેશ્વરને વિશ્વાસ વ્યક્ત કર્યો કે વેપાર તણાવ લગભગ દસ અઠવાડિયામાં ઉકેલી શકાય છે. “બંને સરકારો વચ્ચે વાતચીત ચાલી રહી છે. મારો અંદાજ છે કે આગામી આઠથી દસ અઠવાડિયામાં, અમે ભારતીય માલ પર અમેરિકા દ્વારા લાદવામાં આવેલા ટેરિફનો ઉકેલ જાેઈ શકીશું,” મીડિયા સૂત્રો દ્વારા તેમને ટાંકવામાં આવ્યા હતા.
રશિયા સાથે ભારતના તેલ વેપારથી નારાજ, યુએસ રાષ્ટ્રપતિ ડોનાલ્ડ ટ્રમ્પે ભારતીય આયાત પર વધારાનો ૨૫ ટકા ટેરિફ લાદ્યો હતો. આ અગાઉના ૨૫ ટકા પારસ્પરિક ટેરિફ ઉપરાંત આવ્યું હતું, જેનાથી કુલ ટેરિફ ૫૦ ટકા થઈ ગયો હતો.
વધારાના ટેરિફ ૨૭ ઓગસ્ટથી અમલમાં આવ્યા હતા. ત્યારથી, ભારત અને અમેરિકા વચ્ચેના સંબંધોમાં પરિવર્તન જાેવા મળ્યું છે, જે ડોનાલ્ડ ટ્રમ્પ અને વડા પ્રધાન નરેન્દ્ર મોદી વચ્ચે વધુ સકારાત્મક જાેડાણ દ્વારા ચિહ્નિત થયેલ છે.