ભારતીય સંસદના બજેટ સત્રની તારીખ જાહેર કરવામાં આવી છે. ૩૧મી જાન્યુઆરી ૨૦૨૫થી બજેટ સત્ર શરૂ થવા જઈ રહ્યું છે. ભારતના રાષ્ટ્રપતિ દ્રૌપદી મુર્મુ ૩૧ જાન્યુઆરીએ સંસદ, લોકસભા અને રાજ્યસભાના બંને ગૃહોને સંબોધિત કરશે. રાષ્ટ્રપતિ મુર્મુના સંબોધન પછી, કેન્દ્રીય નાણાં પ્રધાન ર્નિમલા સીતારમણ ૧ ફેબ્રુઆરી ૨૦૨૫ ના રોજ દેશનું કેન્દ્રીય બજેટ રજૂ કરશે.
લોકસભા સચિવાલય દ્વારા બજેટ સત્ર અંગે સત્તાવાર સૂચના જારી કરવામાં આવી છે. તે કહે છે – “૧૮મી લોકસભાનું ચોથું સત્ર શુક્રવાર, ૩૧ જાન્યુઆરી, ૨૦૨૫ના રોજ શરૂ થશે.
સરકારી કામકાજ શુક્રવાર, ૪ એપ્રિલ, ૨૦૨૫ના રોજ સમાપ્ત થવાની સંભાવના છે.” તમને જણાવી દઈએ કે સંસદના બજેટ સત્રના બે ભાગ હશે. બજેટ સત્રનો પહેલો ભાગ ૩૧ જાન્યુઆરી ૨૦૨૫થી શરૂ થશે અને ૧૩ ફેબ્રુઆરી ૨૦૨૫ના રોજ સમાપ્ત થશે. જ્યારે, બજેટ સત્રનો બીજાે ભાગ ૧૦ માર્ચ, ૨૦૨૫ થી શરૂ થશે અને ૪ એપ્રિલ, ૨૦૨૫ ના રોજ સમાપ્ત થશે.
૩૧ જાન્યુઆરીથી ૧૩ ફેબ્રુઆરી સુધીના બજેટ સત્રના પહેલા ભાગમાં કુલ ૯ બેઠકો યોજાશે. જેમાં પીએમ મોદી રાષ્ટ્રપતિના અભિભાષણ પર આભાર પ્રસ્તાવનો જવાબ આપશે. આ સાથે નાણામંત્રી ર્નિમલા સીતારમણ બજેટ પરની ચર્ચાનો જવાબ આપશે. આ પછી સંસદ બજેટ પ્રસ્તાવોની તપાસ માટે વિરામ લેશે. આ પછી, વિવિધ મંત્રાલયો પાસેથી અનુદાનની માંગણીઓ પર ચર્ચા કરવા અને બજેટ પ્રક્રિયાને પૂર્ણ કરવા માટે ૧૦ માર્ચથી સંસદ ફરીથી બીજા ભાગમાં મળશે. આ પછી સત્ર ૪ એપ્રિલે સમાપ્ત થશે. એટલે કે આખા બજેટ સત્રમાં ૨૭ બેઠકો થશે.
કેન્દ્રીય બજેટ સત્ર અગાઉ ૩૦ જાન્યુઆરી, ૨૦૨૫ના રોજ સર્વપક્ષીય બેઠક બોલાવવામાં આવશે. કેન્દ્રીય સંસદીય કાર્ય મંત્રી કિરેન રિજિજુએ આ અંગે માહિતી આપી છે. કિરેન રિજિજુએ બજેટ સત્ર દરમિયાન ગૃહમાં સરળ ચર્ચા માટે વિરોધ પક્ષો પાસેથી સહકારની અપીલ કરી છે. કેન્દ્રીય મંત્રી રિજિજુએ પણ કહ્યું છે કે તેમને આશા છે કે નાણામંત્રી ર્નિમલા સીતારમણ સારું અને સંતુલિત બજેટ રજૂ કરશે.