કેન્દ્રીય કેબિનેટે રૂ. ૨૧૫૭ કરોડના ખર્ચે હાઇબ્રિડ એન્યુઇટી મોડ પર તમિલનાડુમાં ૪-લેન મરક્કનમ - પુડુચેરી (NH-332A)ના બાંધકામને મંજૂરી આપી

પ્રધાનમંત્રીની અધ્યક્ષતામાં આર્થિક બાબતોની કેબિનેટ સમિતિએ તમિલનાડુમાં ૪-લેન મરક્કનમ – પુડુચેરી (૪૬ કિમી)ના બાંધકામને મંજૂરી આપી છે. આ પ્રોજેક્ટ હાઇબ્રિડ એન્યુઇટી મોડ પર વિકસાવવામાં આવશે. જેનો કુલ મૂડી ખર્ચ રૂ. ૨,૧૫૭ કરોડ થશે.

વિલુપ્પુરમ અને નાગપટ્ટીનમ વચ્ચેની કનેક્ટિવિટી હાલના ૨-લેન રાષ્ટ્રીય ધોરીમાર્ગ ૩૩૨છ અને સંકળાયેલ રાજ્ય ધોરીમાર્ગો પર આધારિત છે, જે ખાસ કરીને ગીચ વસ્તીવાળા વિસ્તારો અને કોરિડોર સાથેના મુખ્ય શહેરોમાં ટ્રાફિકના જથ્થાને કારણે નોંધપાત્ર ભીડનો અનુભવ કરે છે. આ પડકારોનો સામનો કરવા માટે, આ પ્રોજેક્ટ મરક્કનમથી પુડુચેરી સુધીના દ્ગૐ-૩૩૨છના આશરે ૪૬ કિમીના વિસ્તારને ૪-લેન રૂપરેખાંકનમાં અપગ્રેડ કરશે. આનાથી હાલના કોરિડોરમાં ભીડ ઓછી થશે, સલામતીમાં સુધારો થશે અને ચેન્નાઈ, પુડુચેરી વિલુપ્પુરમ અને નાગપટ્ટીનમ જેવા ઝડપથી વિકસતા શહેરોની ગતિશીલતાની જરૂરિયાતો પૂરી થશે .

આ પ્રોજેક્ટ બે મુખ્ય રાષ્ટ્રીય ધોરીમાર્ગો અને બે રાજ્ય ધોરીમાર્ગો સાથે સંકલિત છે, જે તમિલનાડુમાં મુખ્ય આર્થિક, સામાજિક અને લોજિસ્ટિક્સ નોડ્સને સીમલેસ કનેક્ટિવિટી પ્રદાન કરે છે. વધુમાં, અપગ્રેડેડ કોરિડોર બે રેલવે સ્ટેશનો (પુડુચેરી, ચિન્નાબાબુસમુદ્રમ), બે એરપોર્ટ (ચેન્નાઈ, પુડુચેરી) અને એક નાના બંદર ( કુડ્ડલોર ) સાથે જાેડાઈને મલ્ટી-મોડલ એકીકરણને વધારશે, જેનાથી સમગ્ર પ્રદેશમાં માલસામાન અને મુસાફરોની ઝડપી અવરજવર સરળ બનશે.

કામ પૂર્ણ થયા પછી, મરક્કનમ – પુડુચેરી વિભાગ પ્રાદેશિક આર્થિક વિકાસમાં, મુખ્ય ધાર્મિક અને આર્થિક કેન્દ્રો વચ્ચે જાેડાણને મજબૂત બનાવવામાં, પુડુચેરીમાં પ્રવાસનને વેગ આપવા અને વેપાર અને ઔદ્યોગિક વિકાસ માટે નવા માર્ગો ખોલવામાં મહત્વપૂર્ણ ભૂમિકા ભજવશે. આ પ્રોજેક્ટ આશરે ૮ લાખ વ્યક્તિ-દિવસ પ્રત્યક્ષ અને ૧૦ લાખ વ્યક્તિ-દિવસ પરોક્ષ રોજગારનું પણ સર્જન કરશે અને આસપાસના પ્રદેશોમાં વિકાસ અને સમૃદ્ધિના નવા માર્ગો ખોલશે.

પરિશિષ્ટ -I : પ્રોજેક્ટ વિગતો

વિશેષતા વિગતો

પ્રોજેક્ટનું નામ ૪-લેન મારક્કનમ – પુડુચેરી વિભાગ (NH 332A)

કોરિડોર ચેન્નાઈ-પુડુચેરી- નાગપટ્ટિનમ – તુતીકોરીન -કન્યાકુમારી ઈકોનોમિક કોરિડોર (ઈસ્ટ કોસ્ટ રોડ – ECR)

લંબાઈ (કિમી) ૪૬.૦૪૭

કુલ નાગરિક ખર્ચ ( રૂ. કરોડ) ૧૧૧૮

જમીન સંપાદન ખર્ચ ( રૂ. કરોડ) ૪૪૨

કુલ મૂડી ખર્ચ ( રૂ. કરોડ) ૨૧૫૭

મોડ હાઇબ્રિડ એન્યુઇટી મોડ (HAM)

બાયપાસ પુડુચેરી બાયપાસ (ગ્રીનફિલ્ડ એક્સેસ કંટ્રોલ્ડ) – ૩૪.૭ કિમી

મુખ્ય રસ્તાઓ જાેડાયેલા છે રાષ્ટ્રીય ધોરીમાર્ગો – NH-32, NH-332

રાજ્ય ધોરીમાર્ગો – SH-136, SH-203