ગુજરાત સરકારના રમતગમત, યુવા અને સાંસ્કૃતિક પ્રવૃત્તિઓ વિભાગે ખેલાડીઓને પ્રોત્સાહિત કરવા માટે એક એવોર્ડ સમારોહ યોજ્યો હતો. આ સમારોહમાં મોરબી જિલ્લાના હરીપર (કે) ગામના દીપ ભુપેન્દ્રભાઈ પટેલ (અંદરપા)ને રાઈફલ શૂટિંગમાં સારા પ્રદર્શન બદલ ‘જયદીપસિંહજી બારૈયા સિનિયર એવોર્ડ’ થી સન્માનિત કરાયા. દીપ પટેલને તેમની રમતગમત સિદ્ધિ માટે વર્ષ 2017-18ના ‘આઉટસ્ટેન્ડિંગ સ્પોર્ટ્સપર્સન’ તરીકે જાહેર કરાયા હતા. આ પ્રસંગે નાયબ મુખ્યમંત્રી હર્ષ સંઘવી અને રાજ્યના રમતગમત મંત્રી જયરામભાઈ ગામીત હાજર રહ્યા હતા. તેમની હાજરીમાં દીપ પટેલને એવોર્ડનું પ્રમાણપત્ર અને રાજ્યકક્ષાની ટ્રોફી અપાઈ.
રાઈફલ શૂટિંગ જેવી રમતમાં એકાગ્રતા, ચોકસાઈ અને સતત મહેનત જરૂરી છે. દીપ પટેલે આ ગુણોથી આ સિદ્ધિ મેળવી છે. ‘જયદીપસિંહજી બારૈયા એવોર્ડ’ ખેલાડીઓની વર્ષોની મહેનત અને રમતગમતમાં તેમની મહત્વની સિદ્ધિઓને બિરદાવવા માટે અપાતું સન્માન છે. દીપ પટેલની આ સિદ્ધિથી મોરબી જિલ્લાનું નામ રમતગમત ક્ષેત્રે રાજ્યભરમાં જાણીતું થયું છે. તેમની સફળતા બદલ પરિવારજનો, મિત્રો, અધિકારીઓ અને રમતપ્રેમીઓ સહિત ઘણા લોકો તરફથી શુભેચ્છાઓ મળી રહી છે. દીપ પટેલની આ સિદ્ધિ મોરબી જિલ્લાના બીજા યુવા ખેલાડીઓ માટે પણ પ્રેરણા આપી છે.