ખંભાળિયા શહેરના ચાર રસ્તા પાસે આવેલા જીઆઇડીસી વિસ્તારમાં એક કારખાના પાસે ભૂકો ભરેલા એક વિશાળ ટ્રકમાં આગ લાગી હતી. આ ઘટનાને પગલે આસપાસના વિસ્તારમાં દોડધામ મચી ગઈ હતી. આગની જાણ થતા જ ખંભાળિયા ફાયર બ્રિગેડની ટીમ તાત્કાલિક ઘટનાસ્થળે પહોંચી હતી. ફાયર બ્રિગેડના જવાનોએ ઝડપથી કાર્યવાહી હાથ ધરી હતી.
ફાયર બ્રિગેડ દ્વારા ત્રણ ટેન્કર પાણીનો ઉપયોગ કરીને આગને સફળતાપૂર્વક કાબૂમાં લેવામાં આવી હતી. ફાયર બ્રિગેડની સમયસર અને સક્રિય કામગીરીને કારણે આસપાસની ફેક્ટરીઓ અને કારખાનાઓમાં આગ ફેલાતી અટકી હતી, જેનાથી મોટી દુર્ઘટના ટળી હતી.