ઇઝરાયલે દાવો કર્યો હતો કે ઇસ્લામિક રિવોલ્યુશનરી ગાર્ડ કોર્પ્સના કમાન્ડર મોહમ્મદ પાકપુર શનિવારે હવાઈ હુમલામાં માર્યા ગયા હતા. ઈરાનના સૌથી શક્તિશાળી પુરુષોમાં, પાકપુર ૨૬૦ દિવસ સુધી IRGC કમાન્ડર રહ્યા હતા અને અગાઉના કમાન્ડર હુસૈન સલામીના ખાત્મા પછી તેમને આ પદ પર નિયુક્ત કરવામાં આવ્યા હતા.
મોહમ્મદ પાકપુરે ગયા મહિને ઇઝરાયલ અને અમેરિકાને “કોઈપણ ખોટી ગણતરી ટાળવા” ચેતવણી આપી હતી અને કહ્યું હતું કે ઇસ્લામિક રિપબ્લિક “ટ્રિગર પર આંગળી રાખીને” “પહેલા કરતાં વધુ તૈયાર” છે.
જાેકે તે પણ નોંધવું જરૂરી છે કે, પાકપુરને ૨૦૨૫ માં ઈરાનના સુપ્રીમ લીડર આયાતુલ્લાહ અલી ખામેની દ્વારા મેજર જનરલના હોદ્દા પર બઢતી આપવામાં આવી હતી અને તેમને “ઇસ્લામિક રિવોલ્યુશનરી ગાર્ડ કોર્પ્સ (IRGC) ની ક્ષમતાઓ, તૈયારી અને આંતરિક એકતા વધારવા” માટે નિર્દેશિત કરવામાં આવ્યા હતા.