શુક્રવારથી ઉત્તરાખંડમાં મધ્યમથી ભારે હિમવર્ષાને કારણે જનજીવન ખોરવાઈ ગયું છે, ખાસ કરીને ઉત્તરકાશી જિલ્લામાં, યાત્રાળુઓ અને રહેવાસીઓ બરફથી ઘેરાયેલા રસ્તાઓ પર ફસાયેલા છે, એમ અધિકારીઓએ શનિવારે જણાવ્યું હતું.
રાજ્ય આપત્તિ પ્રતિભાવ દળ, રાજ્ય પોલીસ, બોર્ડર રોડ ઓર્ગેનાઇઝેશન અને જાહેર બાંધકામ વિભાગે ઉત્તરકાશીમાં અનેક સ્થળોએ ફસાયેલા લોકોને બચાવ્યા. યમુનોત્રી હાઇવે પર જારમોલા ધારમાંથી લગભગ ૫૦ વાહનોમાં લગભગ ૨૦૦ લોકોને બચાવી લેવામાં આવ્યા હતા. અધિકારીઓએ જણાવ્યું હતું કે એક વાહનના ડ્રાઇવરે વાહન છોડવાનો ઇનકાર કર્યો હતો અને બાકીના લોકોને બચાવી લેવામાં આવ્યા હતા ત્યારે પણ તે સ્થળ પર જ રહ્યો હતો.
ઉત્તરકાશી આપત્તિ વ્યવસ્થાપન અધિકારી શાર્દુલ ગુસૈને જણાવ્યું હતું કે બચાવકર્તાઓએ ઉત્તરકાશી-લંબગાંવ રોડ પર ચોરંગી ખાલમાં ફસાયેલા ૧૮ લોકોને બહાર કાઢ્યા હતા. “બે શિફ્ટમાં મશીનોનો ઉપયોગ કરીને, ટીમોએ તેમને મેગી પોઈન્ટ પર ખસેડ્યા, જ્યાં ખોરાક અને આશ્રયની વ્યવસ્થા કરવામાં આવી હતી. બંચૌરા અને દિવારી ખોલ વચ્ચે ફસાયેલા વધુ ત્રણ લોકોને રાત્રિ માટે નજીકના વન વિભાગની ચોકીમાં ખસેડવામાં આવ્યા હતા,” તેમણે જણાવ્યું હતું.
ગુસૈને ઉમેર્યું હતું કે ઉત્તરકાશી-ચોરંગી રસ્તો સાફ કરી દેવામાં આવ્યો છે, જ્યારે યમુનોત્રી હાઇવે પાલીગઢ અને જાનકીચટ્ટી વચ્ચે ટ્રાફિક માટે ફરીથી ખોલવામાં આવ્યો છે. ગંગોત્રી અને યમુનોત્રી હાઇવે પર બરફ કાપવાના મશીનો તૈનાત કરવામાં આવ્યા છે. હવામાન અનુકૂળ રહેશે તો મોડી સાંજ સુધીમાં રસ્તાઓ ફરી ખુલવાની અપેક્ષા છે.
ભટવારી-હરસિલ-ગંગોત્રી હાઇવે, રાડી ટોપ, સિલ્ક્યારા અને સુવાખોલી-મોરિયાણા સ્ટ્રેચ પર બરફ સાફ કરવાનું કામ ચાલી રહ્યું છે.
અધિકારીઓએ જણાવ્યું હતું કે ગંગોત્રી ધામ રોડ અને કુઆ કાફનોલ-રાડી રૂટ પર કનેક્ટિવિટી પુન:સ્થાપિત કરવા માટે સ્નો કટર અને અન્ય મશીનો તૈનાત કરવામાં આવ્યા છે. જિલ્લા ઇમરજન્સી ઓપરેશન સેન્ટર ચોવીસ કલાક કાર્યરત રહ્યું. મુસાફરોને અત્યંત સાવધાની રાખવા કહેવામાં આવ્યું છે.
શુક્રવારે રાત્રે નૈનિતાલ અને ટિહરી ગઢવાલના ઊંચાણવાળા વિસ્તારોમાં બરફમાં ફસાયેલા ૩૦ થી વધુ લોકો અને ડઝનબંધ વાહનોને જીડ્ઢઇહ્લ ટીમોએ બચાવ્યા હતા.
નૈનીતાલ જિલ્લામાં, જીડ્ઢઇહ્લ ટીમોએ રામગઢ-મુક્તેશ્વર અને ધાનચુલી બેન્ડ પર બરફથી ઢંકાયેલા વિસ્તારોને સાફ કર્યા, લગભગ ૨૦-૨૫ વાહનોને બચાવ્યા. ટિહરી ગઢવાલમાં, ઘંસાલીમાં તૈનાત જીડ્ઢઇહ્લ ટીમે બડિયાર ગામ નજીક એક લગ્નમાંથી પાછા ફરતા આઠ લોકોને બચાવ્યા, જેમનું વાહન ફસાઈ ગયું હતું, તેમને સુરક્ષિત રીતે ઘંસાલી પહોંચાડ્યા.
ચમોલી જિલ્લામાં, રાતોરાત ભારે હિમવર્ષાને કારણે મલારી જવાનો રસ્તો બંધ રહ્યો. જિલ્લા આપત્તિ વ્યવસ્થાપન અધિકારી એન કે જાેશીએ જણાવ્યું હતું કે, પ્રવાસીઓ માટે ઔલીના સ્કીઇંગ રિસોર્ટની ઍક્સેસ ફરીથી ખોલવામાં આવી હતી.
મસૂરીમાં, રાતોરાત હિમવર્ષા અને લંબાયેલા પ્રજાસત્તાક દિવસના સપ્તાહાંતને કારણે પ્રવાસીઓનું આગમન વધ્યું હતું.
સબ-ડિવિઝનલ મેજિસ્ટ્રેટ રાહુલ આનંદે જણાવ્યું હતું કે પ્રાંતીય સશસ્ત્ર કોન્સ્ટેબલરીની વધારાની કંપની તૈનાત કરવામાં આવી છે, જ્યારે ટ્રાફિક પોલીસ કર્મચારીઓને મુખ્ય અવરોધો પર તૈનાત કરવામાં આવ્યા છે. “હાલમાં ટ્રાફિક નિયંત્રણમાં છે, અને જાે દિવસના અંતમાં પ્રવાસીઓનો ધસારો વધશે તો એક તરફી ટ્રાફિક યોજનાઓ લાગુ કરવામાં આવશે,” તેમણે કહ્યું.
જાહેર બાંધકામ વિભાગના રીઅલ-ટાઇમ ડેટા અનુસાર, શનિવારે બરફના કારણે બે રાષ્ટ્રીય, ૧૮ રાજ્ય ધોરીમાર્ગો અને ૧૯ ગામડાના રસ્તાઓ બંધ કરવામાં આવ્યા હતા.