રવિવારે ઓડિશાના ધેંકનાલ જિલ્લામાં એક શક્તિશાળી વિસ્ફોટ બાદ પથ્થરની ખાણમાં મોટા પ્રમાણમાં ખડકો ધસી પડતાં અનેક લોકોના મોત થયાની આશંકા છે, એમ અધિકારીઓએ જણાવ્યું હતું. આ ઘટના શનિવારે પણ બની હતી, જ્યારે કામદારો ગોપાલપુર ગામ નજીક એક ખાણમાં ખોદકામ અને પથ્થરોની શોધ કરી રહ્યા હતા.
ઓડિશા પોલીસના જણાવ્યા અનુસાર, જે જગ્યાએ આ ઘટના બની તે મોટાંગા પોલીસ સ્ટેશનના અધિકારક્ષેત્રમાં આવે છે.
સ્થાનિક મીડિયા અહેવાલો સૂચવે છે કે વિસ્ફોટને કારણે ખડકો તૂટી પડ્યા છે. જાેકે, અધિકારીઓએ જણાવ્યું હતું કે તેઓ અકસ્માતનું કારણ શું છે તેની તપાસ કરી રહ્યા છે. તેમણે વધુમાં જણાવ્યું હતું કે ઘણા લોકો ફસાયેલા હોવાની આશંકા છે અને બચાવ કામગીરી ચાલી રહી છે. અધિકારીઓએ સમગ્ર વિસ્તારને ઘેરી લીધો છે અને લોકોની અવરજવર પર પ્રતિબંધ મૂક્યો છે.
ફાયર સર્વિસ, ઓડિશા ડિઝાસ્ટર રેપિડ એક્શન ફોર્સ (ર્ંડ્ઢઇછહ્લ) અને ડોગ સ્ક્વોડની ટીમો પણ બચાવ કામગીરી માટે ઘટનાસ્થળે પહોંચી ગઈ છે. ધેંકનાલ કલેક્ટર આશિષ ઈશ્વર પાટિલ અને પોલીસ અધિક્ષક (જીઁ) અભિનવ સોનકર સહિત વરિષ્ઠ અધિકારીઓ ઘટનાસ્થળે હાજર છે અને બચાવ કામગીરીનું નિરીક્ષણ કરી રહ્યા છે, જેમાં મશીનોનો પણ ઉપયોગ કરવામાં આવી રહ્યો છે.
“મોટા પથ્થરો નીચે બે થી ચાર લોકો ફસાયા છે. આ પથ્થરો કાપીને અંદર ફસાયેલા લોકોને બહાર કાઢવા માટે મશીનરીનો ઉપયોગ કરવામાં આવી રહ્યો છે. ફાયર વિભાગની બે ટીમો તૈનાત કરવામાં આવી છે, અને એક ડોગ સ્ક્વોડ પણ ઘટનાસ્થળે મદદ કરી રહી છે,” ફાયર ઓફિસર નબાઘના મલ્લિકે સમાચાર એજન્સી છદ્ગૈં ને જણાવ્યું.
ઓડિશાના ભૂતપૂર્વ મુખ્યમંત્રી અને બીજુ જનતા દળ ના સુપ્રીમો નવીન પટનાયકે આ ઘટના પર ચિંતા વ્યક્ત કરી છે. X (અગાઉ ટ્વિટર) પર ઓડિયા ભાષામાં પોસ્ટ કરીને, તેમણે ઘટનામાં માર્યા ગયેલા લોકોના પરિવારના સભ્યો પ્રત્યે સંવેદના પણ વ્યક્ત કરી છે, અને તેની યોગ્ય તપાસની માંગ કરી છે.
ઓડિશા વિધાનસભાના વિરોધ પક્ષના નેતાએ જણાવ્યું હતું કે, “આ ઘટના કઈ પરિસ્થિતિમાં બની તેની યોગ્ય તપાસ કરવામાં આવે અને સરકાર તાત્કાલિક બચાવ કામગીરી ઝડપી બનાવવા તરફ ધ્યાન કેન્દ્રિત કરે.”