તમિલનાડુના સથાનકુલમમાં પિતા-પુત્રના કસ્ટોડિયલ મોત કેસમાં ૬ વર્ષ પછી ૬ એપ્રિલે મદુરાઈ કોર્ટે ૯ પોલીસકર્મીઓને દોષિત ઠેરવ્યા અને તેમને ફાંસીની સજા સંભળાવી. આ સમગ્ર મામલામાં હેડ કોન્સ્ટેબલ રેવતી (૪૩)નું નામ સૌથી વધુ ચર્ચામાં રહ્યું.પોલીસ કસ્ટડીમાં પિતા-પુત્રના મોતે આખા દેશને હચમચાવી દીધો હતો. કેસને દબાવવાના પ્રયાસો પણ થયા, પરંતુ રેવતીની જુબાનીએ સત્ય બહાર લાવી દીધું. રેવતી બે દીકરીઓની માતા છે.
તેમણે ન્યાયિક મેજિસ્ટ્રેટને કહ્યું કે તે આખું સત્ય જણાવશે, પરંતુ પોતાના બાળકો અને નોકરીની સુરક્ષાની ગેરંટી ઈચ્છે છે.રેવતીની બહાદુરી અને સત્ય પ્રત્યેની તેમની પ્રતિબદ્ધતાએ આ કેસને અંત સુધી પહોંચાડવામાં નિર્ણાયક ભૂમિકા ભજવી. તેમણે કોર્ટમાં મિનિટ-દર-મિનિટ ઘટનાક્રમ જણાવ્યો, જેનાથી એ સાબિત થયું કે પોલીસ સ્ટેશનમાં શું થયું અને કોણ જવાબદાર હતું.ઘટના જૂન ૨૦૨૦ની છે.
જ્યારે આખી દુનિયા કોવિડના નિયંત્રણો સામે ઝઝૂમી રહી હતી. થુથુકુડી જિલ્લાના સથાનકુલમ પોલીસ સ્ટેશનમાં કંઈક એવું બન્યું, જેણે આખા દેશને હચમચાવી દીધો. પી. જયરાજ અને તેમના પુત્ર જે. બેનિક્સને એટલા માટે કસ્ટડીમાં લેવામાં આવ્યા કારણ કે તેમણે મોબાઇલ શોપ નિર્ધારિત સમય કરતાં થોડો વધુ સમય ખુલ્લી રાખી હતી.કોન્સ્ટેબલ રેવતીએ કોર્ટને જણાવ્યું, ‘હું રાત્રે લગભગ ૮:૫૦ વાગ્યે સ્ટેશન પહોંચી. તે જ સમયે અંદરથી ચીસો અને રડવાનો અવાજ આવ્યો, કોઈ ચીસો પાડી રહ્યું હતું ‘અમ્મા, દુખે છે! જવા દો! કૃપા કરીને મને જવા દો! મેં કંઈ ખોટું કર્યું નથી!’
રેવતીએ જણાવ્યું કે વચ્ચે-વચ્ચે સબ-ઇન્સ્પેક્ટર બાલાકૃષ્ણનનો અવાજ સંભળાઈ રહ્યો હતો, તેઓ કહી રહ્યા હતા- સ્ટેશનની અંદર હંગામો કરવાની તમારી હિંમત કેવી રીતે થઈ? તમે કોઈ મોટા માણસ છો? પોલીસકર્મીઓએ જયરાજ અને બેનિક્સને લોહીલુહાણ થાય ત્યાં સુધી માર માર્યો.આ દરમિયાન પોલીસવાળા વચ્ચે-વચ્ચે દારૂ પીવા માટે રોકાતા અને પછી ફરીથી મારપીટ શરૂ કરી દેતા. જ્યારે બંને અધમૂઆ થઈ ગયા, ત્યારે રેવતીએ સહાનુભૂતિ બતાવતા જયરાજ (પિતા) ને કોફી આપવાનો પ્રયાસ કર્યો, જેને અન્ય પોલીસકર્મીઓએ છીનવીને ફેંકી દીધો. રેવતીના કહેવા મુજબ બંનેને ર્નિવસ્ત્ર કરીને તેમના હાથ બાંધી દેવામાં આવ્યા. આટલી ક્રૂરતા ન જાેઈ શકવાને કારણે રેવતી બહાર નીકળી ગઈ. અટકાયતમાં લીધાના ૨ દિવસ પછી પહેલા પુત્ર બેનિક્સ અને બીજા દિવસે પિતા જયરાજનું મૃત્યુ થયું.
સમગ્ર દેશમાં ગુસ્સો હતો, પરંતુ પોલીસ વિભાગમાં મામલાને દબાવવાનો પ્રયાસ કરવામાં આવી રહ્યો હતો. ૯ પ્રભાવશાળી પોલીસકર્મીઓ આરોપી હતા. જ્યારે ન્યાયિક મેજિસ્ટ્રેટ એમ.એસ. ભરથિદાસન તપાસ માટે પહોંચ્યા, ત્યારે રેવતીએ તેમને કહ્યું- સર, હું તમને બધું જ કહીશ, દરેક વાત, તે સત્ય જેને છુપાવવામાં આવી રહ્યું છે. હું બે દીકરીઓની માતા છું. શું તમે મારા બાળકો અને મારી નોકરીની સુરક્ષાની ગેરંટી આપી શકો છો? સાથી અધિકારીઓની ચેતવણી છતાં રેવતીએ બોલવાનો ર્નિણય કર્યો. આવી ફોર્સમાં આ એક અસાધારણ પગલું હતું, જ્યાં કોઈ કર્મચારીનું સાથીઓ વિરુદ્ધ જુબાની આપવું ભાગ્યે જ જાેવા મળે છે.
તેમણે ભય વચ્ચે પોતાના સાથી પોલીસકર્મીઓ વિરુદ્ધ જુબાની આપી. નિવેદન નોંધાવતી વખતે બહાર એકઠા થયેલા પોલીસકર્મીઓ કોર્ટના સ્ટાફને ધમકાવી રહ્યા હતા. તણાવ એટલો હતો કે મેજિસ્ટ્રેટને સુરક્ષા ગાર્ડ તૈનાત કરવા પડ્યા. સુરક્ષાનો ભરોસો મળ્યા પછી જ રેવતી હસ્તાક્ષર કરવા તૈયાર થઈ.ઝ્રઝ્ર્ફ ફૂટેજમાં દરેક આરોપીની ઓળખ કરવામાં આવી. તેમની મિનિટ-દર-મિનિટની જુબાનીએ પુષ્ટિ કરી કે તે રાત્રે પોલીસ સ્ટેશનમાં કોણ હાજર હતું અને બંનેના મૃત્યુ માટે કોણ જવાબદાર હતું. રેવતીનું આ સાહસ ન્યાયનો પાયો બન્યું.