ભારતના ભૂતપૂર્વ ઉપરાષ્ટ્રપતિ જગદીપ ધનખરને સોમવારે નવી દિલ્હી સ્થિત ઓલ ઈન્ડિયા ઇન્સ્ટિટ્યૂટ ઓફ મેડિકલ સાયન્સિસ (AIIMS) માં દાખલ કરવામાં આવ્યા હતા, કારણ કે તેઓ સપ્તાહના અંતે બે વાર બેભાન થઈ ગયા હતા.
સમાચાર એજન્સી અનુસાર, ૭૪ વર્ષીય જગદીપ ધનખરને ૧૦ જાન્યુઆરીએ સ્વાસ્થ્ય સમસ્યાઓનો અનુભવ થયો હતો અને બાદમાં તેમને AIIMS માં લઈ જવામાં આવ્યા હતા, જ્યાં ડોક્ટરોએ તેમને વધુ તપાસ માટે દાખલ કરવાનો ર્નિણય લીધો હતો.
ધનખરે ગયા વર્ષે ૨૧ જુલાઈના રોજ સ્વાસ્થ્ય કારણો દર્શાવીને ઉપરાષ્ટ્રપતિ પદ પરથી રાજીનામું આપ્યું હતું. રાજીનામું અચાનક હતું અને તે સમયે અટકળો શરૂ થઈ હતી. રાજીનામા બાદ, ધનખરે મર્યાદિત જાહેર હાજરી આપી હતી.
સ્વાસ્થ્ય અપડેટ શેર કરતા અધિકારીઓએ જણાવ્યું હતું કે ધનખડ શનિવારે જ્યારે વોશરૂમ ગયા ત્યારે તેમને “બે વાર બેભાન” થયા હતા. ત્યારબાદ તેમને તબીબી મૂલ્યાંકનની સલાહ આપવામાં આવી હતી.
મીડિયા સૂત્રો દ્વારા અહેવાલ મુજબ, “આજે, તેઓ તપાસ માટે AIIMS ગયા હતા જ્યારે ડોકટરોએ તેમને પરીક્ષણો માટે દાખલ કરવાનો આગ્રહ કર્યો હતો.”
અધિકારીઓએ ઉમેર્યું કે, તબીબી મૂલ્યાંકનના ભાગ રૂપે ડોકટરો સ્ઇૈં કરે તેવી અપેક્ષા છે.