દિલ્હી પોલીસ ક્રાઈમ બ્રાન્ચ અને રાજસ્થાન પોલીસ દ્વારા હાથ ધરવામાં આવેલા સંયુક્ત ઓપરેશનમાં લોરેન્સ બિશ્નોઈ ગેંગ સાથે જાેડાયેલા એક વોન્ટેડ શૂટરની ધરપકડ કરવામાં આવી છે, એમ અધિકારીઓએ જણાવ્યું હતું. આરોપીની ઓળખ પ્રદીપ શર્મા ઉર્ફે ગોલુ (૨૩) તરીકે થઈ છે, જે આગ્રાનો રહેવાસી છે. તેને પશ્ચિમ દિલ્હીના ઉત્તમ નગરમાંથી પકડવામાં આવ્યો હતો અને તે રાજસ્થાનના ગંગાનગર જિલ્લામાં નોંધાયેલા બે ગંભીર ગુનાહિત કેસોમાં વોન્ટેડ હતો.
આરોપી ગેરકાયદેસર શસ્ત્રો અને દારૂગોળો સપ્લાય કરતો હોવાનું જાણવા મળ્યું હતું
પોલીસના જણાવ્યા અનુસાર, શર્મા પર એક વેપારી પાસેથી ૪ કરોડ રૂપિયાની ખંડણી માંગવાનો આરોપ છે. જ્યારે ખંડણી ચૂકવવામાં ન આવી ત્યારે તેણે મે ૨૦૨૫ માં વેપારીના નિવાસસ્થાને ગોળીબાર કર્યો હતો, જેમાં લોરેન્સ બિશ્નોઈ ગેંગના સભ્યો સાથે સંકલન કરીને કામ કર્યું હતું.
તપાસકર્તાઓએ વધુમાં જણાવ્યું હતું કે શર્મા લોરેન્સ બિશ્નોઈ ગેંગને ગેરકાયદેસર શસ્ત્રો અને દારૂગોળો સપ્લાય કરવામાં સક્રિય રીતે સામેલ હતો. ઓપરેશન દરમિયાન, પોલીસે શસ્ત્રોનો મોટો જથ્થો જપ્ત કર્યો હતો, જે મુખ્ય શસ્ત્ર સપ્લાયર તરીકે તેની ભૂમિકાની પુષ્ટિ કરે છે.
આરોપી સામે આર્મ્સ એક્ટ અને ભારતીય ન્યાય સંહિતા (મ્દ્ગજી) ની વિવિધ કલમો હેઠળ અનેક કેસ નોંધવામાં આવ્યા છે. અધિકારીઓએ જણાવ્યું હતું કે આ કાર્યવાહી એન્ટી-ગેંગસ્ટર સ્ક્વોડ દ્વારા હાથ ધરવામાં આવી હતી.
રાજસ્થાન પોલીસે શર્માને વધુ તપાસ માટે અને તેના વ્યાપક નેટવર્ક અને સંગઠિત ગુના સિન્ડિકેટ સાથેના સંબંધોની તપાસ માટે કસ્ટડીમાં લીધો છે.
લોરેન્સ બિશ્નોઈ કોણ છે?
લોરેન્સ બિશ્નોઈ એક કુખ્યાત ગેંગસ્ટર છે. તેનો જન્મ ૧૨ ફેબ્રુઆરી, ૧૯૯૩ ના રોજ પંજાબના ફાઝિલકા જિલ્લાના દુતારનવાલી ગામમાં થયો હતો. તે કોલેજના દિવસોમાં વિદ્યાર્થી રાજકારણમાં સક્રિય હતો, પરંતુ બાદમાં ગુનાની દુનિયામાં જાેડાયો અને ધીમે ધીમે ગુનાહિત અંડરવર્લ્ડમાં પ્રખ્યાત થયો.
તે ૨૦૧૫ થી સતત જેલમાં છે, અને એવો આરોપ છે કે તે ગુનાહિત દુનિયાનો મુખ્ય સૂત્રધાર છે અને જેલના સળિયા પાછળ રહીને કાર્ય કરે છે. લોરેન્સ પર પ્રખ્યાત ગાયક સિદ્ધુ મૂસેવાલાની હત્યા (૨૦૨૨)નો પણ આરોપ છે.