કેન્દ્રીય કૃષિ મંત્રી શિવરાજ સિંહ ચૌહાણે ચૂંટણીમાં હાર બાદ જનતાના જનાદેશનું અપમાન કરવા બદલ કોંગ્રેસની આકરી ટીકા કરી છે. તેમણે આરોપ લગાવ્યો કે ચૂંટણી પંચ પર સવાલ ઉઠાવવા અને બેલેટ પેપરથી મતદાનની માંગ કરવી એ પક્ષના “DNA”માં છે.
શિવરાજ સિંહ ચૌહાણનું આ નિવેદન કોંગ્રેસ અધ્યક્ષ મલ્લિકાર્જુન ખડગેની એ માંગના એક દિવસ બાદ આવ્યું છે જેમાં તેમણે લોકસભા અને રાજ્ય વિધાનસભાઓને ભંગ કરવાની માંગ કરી હતી. ખડગેએ દાવો કર્યો હતો કે “તમામ ચૂંટણીઓ ગેરકાયદેસર હતી” અને મોદી, શાહ તથા તમામ રાજ્યોના મુખ્યમંત્રીઓ “ગેરકાયદેસર” છે. તેમણે બેલેટ પેપર દ્વારા ફરીથી ચૂંટણી યોજવાની પણ માંગ કરી હતી.
‘જનતાના જનાદેશનું અપમાન કરવું એ કોંગ્રેસના ડ્ઢદ્ગછમાં છે‘: શિવરાજ સિંહ ચૌહાણ. ચૌહાણે કહ્યું કે જ્યારે કોંગ્રેસ ચૂંટણી જીતે છે ત્યારે તે ચૂંટણી પંચને સ્વીકારે છે, પરંતુ જ્યારે હારે છે ત્યારે તે ચૂંટણી પંચ પર સવાલ ઉઠાવે છે. કર્ણાટક, તેલંગાણા અને હિમાચલ પ્રદેશમાં પક્ષની જીતનો ઉલ્લેખ કરતા તેમણે પૂછ્યું કે તે સમયે કોંગ્રેસે આવી ચિંતાઓ કેમ વ્યક્ત નહોતી કરી.
“હાર બાદ જનતાના જનાદેશનું અપમાન કરવું એ કોંગ્રેસની જૂની આદત છે; તે કોંગ્રેસના ડ્ઢદ્ગછમાં છે. ભારતનું લોકશાહી તંત્ર વિશ્વમાં સૌથી મજબૂત છે અને વૈશ્વિક ઉદાહરણ પૂરું પાડે છે. પરંતુ લોકશાહીનું અપમાન કરવું, બંધારણીય સંસ્થાઓને નબળી પાડવી, ચૂંટણી હાર્યા પછી ચૂંટણી પંચને બદનામ કરવું અને જનતાના જનાદેશનો અનાદર કરવો—આ બધું કોંગ્રેસના ડ્ઢદ્ગછમાં છે,” એવો આરોપ ચૌહાણે લગાવ્યો.
કેન્દ્રીય મંત્રીએ વડાપ્રધાન વિરુદ્ધ ખડગેની ટિપ્પણીઓની પણ આકરી ટીકા કરી. “રાહુલ ગાંધીજીના કહેવાથી મલ્લિકાર્જુન ખડગેજીએ આ ટિપ્પણીઓ કરી છે. આ લોકશાહી અને જનતાના જનાદેશનું અપમાન છે. આ બંધારણીય સંસ્થાઓને નબળી પાડવાનો, લોકશાહી પ્રત્યે અવિશ્વાસ પેદા કરવાનો અને દેશભરમાં અરાજકતા ફેલાવવાનો પ્રયાસ છે,” તેમણે આરોપ લગાવ્યો.
“કોંગ્રેસની આ કેવી વાતો છે? જાે કોંગ્રેસ ચૂંટણી જીતે તો ચૂંટણી પંચ બરાબર છે, પણ જાે તેઓ હારે તો ચૂંટણી પંચમાં ખામી છે? આખરે, તેઓ કર્ણાટકમાં કેવી રીતે જીત્યા? તેઓ તેલંગાણામાં કેવી રીતે જીત્યા? તેઓ હિમાચલ પ્રદેશમાં કેવી રીતે જીત્યા?” તેમણે પૂછ્યું. બેલેટ પેપર અંગે શિવરાજ સિંહ ચૌહાણ
ભાજપના વરિષ્ઠ નેતાએ ઈલેક્ટ્રોનિક વોટિંગ મશીન (ઈફસ્) ને બદલે બેલેટ પેપરનો ઉપયોગ કરવાની વિપક્ષની માંગને પણ સખત રીતે ફગાવી દીધી હતી. તેમણે આરોપ લગાવ્યો કે કોંગ્રેસ ભારતને ચૂંટણીમાં ગેરરીતિઓથી ભરેલા તે યુગમાં પાછું લઈ જવા માંગે છે.
“તેઓ કહે છે કે હવે ચૂંટણીઓ બેલેટ પેપર દ્વારા યોજાવી જાેઈએ. કોંગ્રેસ આ દેશને કઈ દિશામાં લઈ જવા માંગે છે? ૮૦ અને ૯૦ના દાયકાને યાદ કરો, જ્યારે મતદાન મથકો પર કબજાે (લૂંટ) કરવામાં આવતો હતો? એક જ વ્યક્તિ તમામ બેલેટ પેપર પર સિક્કા મારતી હતી. શું કોંગ્રેસ દેશને તે યુગમાં પાછો લઈ જવા માંગે છે? ટેક્નોલોજી પારદર્શક પ્રક્રિયાઓ દ્વારા ચૂંટણી યોજવાનું શક્ય બનાવે છે – તો પછી કોંગ્રેસ તેનો વિરોધ શા માટે કરવા માંગે છે?” તેમણે પૂછ્યું.
“તેઓ લોકશાહીને નબળી પાડવાનું પાપ માત્ર આજે જ નથી કરી રહ્યા; તેમણે ભૂતકાળમાં કટોકટી (ઇમરજન્સી) લાદીને પણ આવું કર્યું છે,” તેમણે ઉમેર્યું.
ચૂંટણી પંચની નિમણૂક પ્રક્રિયાની વિશ્વસનીયતાનો બચાવ કરતા ચૌહાણે કહ્યું કે ચૂંટણી કમિશનરોની નિમણૂક હવે સંસદના કાયદા દ્વારા સ્થાપિત માળખા હેઠળ કરવામાં આવે છે.
“ચૂંટણી કમિશનરોની નિમણૂક સંસદ દ્વારા પસાર કરાયેલા કાયદા દ્વારા કરવામાં આવે છે. કોંગ્રેસના શાસનકાળના તે યુગને યાદ કરો જ્યારે વડાપ્રધાન પોતે જ ચૂંટણી કમિશનરની નિમણૂક કરતા હતા,” તેમણે કહ્યું.
શિવરાજ સિંહ ચૌહાણે કોંગ્રેસ પર બંધારણીય સંસ્થાઓને નબળી પાડવાનો આરોપ મૂક્યો અને કહ્યું કે જ્યારે પક્ષ ચૂંટણી હારી જાય છે ત્યારે તે સંસ્થાઓ અને ચૂંટણી પ્રણાલી પર સવાલો ઉઠાવે છે. “કોંગ્રેસ બંધારણીય સંસ્થાઓને નબળી પાડવાની ખતરનાક રમત રમી રહી છે. જાે તેઓ હારી જાય, તો બંધારણીય સંસ્થાઓ ખોટી, સિસ્ટમ ખોટી; તેને તોડી નાખો, તેનો નાશ કરો, દેશને અરાજકતામાં ધકેલી દો. આ એક પાપ છે, સદંતર પાપ છે!” તેમણે ભારપૂર્વક કહ્યું.
“આ દેશની જનતા તેમના મત દ્વારા આ પાપનો સતત જવાબ આપશે. કોંગ્રેસના નાપાક ઈરાદાઓ અને મનસૂબા ક્યારેય સફળ થશે નહીં,” ચૌહાણે ઉમેર્યું.