જામનગરમાં સ્પેશિયલ ખેલ મહાકુભની વિવિધ સ્પર્ધાઓમાં 450 દિવ્યાંગ બાળકોએ જોશભેર ભાગ લીધો હતો. દોડ, સોફટબોલ, ગોળાફેંક, લાંબી કૂદ સહિતની રમત યોજાઇ હતી. જામનગરમાં રમતગમત યુવા અને સાંસ્કૃતિક પ્રવૃત્તિ વિભાગ, સ્પોર્ટસ ઓથોરીટી ઓફ ગુજરાત, જિલ્લા રમત વિકાસ અધિકારી, જિલ્લા રમત પ્રશિક્ષણ કેન્દ્ર દ્વારા આયોજીત પેરા સ્પોર્ટસ એસોસિએશન દ્વારા સંચાલિત માનસિક ક્ષતિગ્રસ્ત 8 થી 15 વર્ષના બાળકો માટે શુક્રવારે અજીતસિંહજી પેવેલિયનમાં સ્પે. મહાકુંભ અન્વયે એથ્લેટિક્સ રમતનું આયોજન થયું હતું. જેમાં 450 થી વધુ બાળકો જોડાયા હતાં. 100 મીટર દોડ, સોફ્ટ બોલ, ગોળાફેંક, લાંબી કૂદ સહિતની વિવિધ સ્પર્ધાઓ યોજાઈ હતી.
