યુગ નિર્માણ ગાયત્રી પરિવાર ટ્રસ્ટ સંચાલિત ચલાલા ગાયત્રી સંસ્કાર વિદ્યાલયમાં ઓલ ઈન્ડિયા વડોકાઈ કરાટે ડો એસોસિએશન અને યથા આર્ટ એકેડેમી દ્વારા કરાટે ગ્રેડેશન એક્ઝામનું આયોજન કરવામાં આવેલ જેમાં ગાયત્રી સંસ્કાર વિદ્યાલય ના ૪૪ વિદ્યાર્થીઓમાંથી ૩૧ વિદ્યાર્થીઓએ વ્હાઇટ બેલ્ટ તથા ૧૩ વિદ્યાર્થી યેલો બેલ્ટ એક્ઝામ આપી ઉતિર્ણ થઈ શાળા પરિવારનું ગૌરવ વધાર્યું. આગળ આ વિદ્યાથીઓ આગળના બેલ્ટની તૈયારી કરશે તેમજ જિલ્લા હરિફાઈમાં વિજેતા વિદ્યાર્થી સુરત ખાતે ૧૩ મી ગુજરાત કરાટે ચેમ્પિયનશિપ રમવા માટે જશે. અમરેલી જિલ્લાનું પ્રતિનિધિત્વ કરશે જેમાં ગુજરાત વડોકાઇ કરાટેના જનરલ સેક્રેટરી સેન્સેઇ મયુર કુમાર ચૌહાણ, રિધ્ધિ મહેતા તથા હદિસા મહેતર દ્વારા તાલીમ આપવામાં આવી હતી. આ વિદ્યાર્થીઓ પ્રગતિ કરે તેવા આશીર્વાદ પૂ રતિદાદાએ આપ્યા હતા. તેમજ આ કાર્યક્રમને સફળ બનાવવા ડાયરેક્ટર શ્રી ભારત ભૂષણ મહેશભાઈ આચાર્ય શીતલબેન મહેતા તેમજ સમગ્ર સ્ટાફે જહેમત ઉઠાવી હતી.
