ઇઝરાયેલના વડા પ્રધાન બેન્જામિન નેતન્યાહુએ ૨૦૨૦ પછી પ્રથમ વખત વ્હાઇટ હાઉસની મુલાકાત લેવા માટે ગુરુવારે વ્હાઇટ હાઉસમાં રાષ્ટ્રપતિ જાે બાઈડન અને ઉપરાષ્ટ્રપતિ કમલા હેરિસને મળ્યા હતા. છેલ્લી વખત જ્યારે તેઓ વ્હાઇટ હાઉસની મુલાકાતે ગયા ત્યારે યુએસ પ્રમુખ ડોનાલ્ડ ટ્રમ્પ હતા. આ બેઠક એવા સમયે થઈ છે, જ્યારે ગાઝામાં નવ મહિનાથી ચાલેલા યુદ્ધને સમાપ્ત કરવા માટે દબાણ વધી રહ્યું છે. ડઝનબંધ ઇઝરાયેલી બંધકો હજુ પણ હમાસની કસ્ટડીમાં છે અને ગાઝામાં ૩૯ હજારથી વધુ લોકોના મોત થયા છે.
દક્ષિણપંથી કહેનાર લિકુડ પાર્ટીના નેતા નેતન્યાહુ અને મધ્યવાદી ડેમોક્રેટિક પાર્ટીના નેતા બાઈડન વચ્ચેના સંબંધોમાં તાજેતરના વર્ષોમાં ઉતાર-ચઢાવ જાેવા મળ્યા છે. હેરિસ બાદમાં નેતન્યાહુ સાથે અલગથી મુલાકાત કરશે. નેતન્યાહુ અને હેરિસે છેલ્લે ૨૦૨૧માં સામસામે વાત કરી હતી, પરંતુ તે બાઈડન અને નેતન્યાહુ વચ્ચેની વાતચીતમાં ભાગ લીધો હતો.
જાે બાઈડન ઇઝરાયેલ અને હમાસ વચ્ચે યુદ્ધવિરામ અને ત્રણ તબક્કામાં ગાઝામાં બંધકોને મુક્ત કરવા માટેના કરાર માટે દબાણ કરી રહ્યા છે. વ્હાઇટ હાઉસના અધિકારીઓએ કહ્યું કે વાતચીત અંતિમ તબક્કામાં છે અને કેટલાક મુદ્દાઓ ઉકેલવાના બાકી છે. બાઈડનને મળ્યા બાદ નેતન્યાહૂ હમાસ દ્વારા બંધક બનાવેલા અમેરિકનોના પરિવારોને મળશે. ઈઝરાયલના વડાપ્રધાન બેન્જામિન નેતન્યાહુને મળ્યા બાદ અમેરિકાના ઉપરાષ્ટ્રપતિ કમલા હેરિસે મીડિયા સાથે વાત કરતા કહ્યું કે, ‘ઈઝરાયેલને પોતાનો બચાવ કરવાનો અધિકાર છે, પરંતુ તે કેવી રીતે કરે છે તે મહત્વનું છે. તેમણે ગાઝામાં માનવતાવાદી આપત્તિ પર ચિંતા વ્યક્ત કરી હતી, જેમાં મોટી સંખ્યામાં નાગરિકો મરી રહ્યા છે.
કમલા હેરિસે સ્પષ્ટ કહ્યું કે તે ગાઝાના લોકોની સમસ્યાઓ તરફ આંખ આડા કાન કરી શકે નહીં. કમલા હેરિસે કહ્યું કે ‘મેં આ ઘણી વખત કહ્યું છે, પરંતુ તેને પુનરાવર્તન કરવું જરૂરી છે. ઇઝરાયેલને પોતાનો બચાવ કરવાનો અધિકાર છે, પરંતુ તે કેવી રીતે કરે છે તે મહત્વનું છે. હમાસ એક ક્રૂર આતંકવાદી સંગઠન છે. ૭ ઓક્ટોબરે હમાસે ૪૪ અમેરિકનો સહિત ૧,૨૦૦ નિર્દોષ લોકોની હત્યા કરીને આ યુદ્ધની શરૂઆત કરી હતી. હમાસે જાતીય હિંસા કરી અને અમેરિકન નાગરિકો સહિત ૨૫૦ બંધકોને બનાવ્યા છે. ગાઝામાં હજુ પણ અમેરિકન નાગરિકો બંધક છે.