ઝાલોદ તાલુકા માંથી પસાર થતા દિલ્હી મુંબઈ કોરિડોર હાઇવેના અસરગ્રસ્તોને ન્યાય અપાવવા માટે જવાબદાર તંત્રને ખેડૂત આગેવાન મૂકેશ ડાંગી દ્વારા આવેદનપત્ર આપી છેલ્લું અલ્ટીમેટમ આપવામાં આવ્યું 

જવાબદાર તંત્ર દ્વારા બે વાર આ અંગે સર્વે કરવામાં આવેલ છે અને ત્રીજી વાર ફરી આ વિસ્તારમાં સર્વે કરવામાં આવેલ છે. આ વિસ્તારમાં કોરિડોર હાઇવેના કોન્ટ્રાક્ટર દ્વારા અવ્યવસ્થિત માટી પુરાણ, મકાન, કુવા, બોર, હવાડા, સંડાશ, બાથરૂમ, વૃક્ષો જેવી અનેક બાબતોનું વળતર આ ચૌદ અસરગ્રસ્ત ગામો દ્વારા માંગવામાં આવેલ છે પરંતુ તેમને આ અંગે ફક્ત વાયદાઓની લોલીપોપ જવાબદાર તંત્ર પાસે થી મળેલ છે.

 

આ અંગે ખેડૂત આગેવાન મૂકેશ ડાંગીએ કહ્યું કે નવા કરાવેલ સર્વેમાં જે મૂળ 17 માંગણીઓ છે તે માંગણીઓનો જો 28 નવેમ્બર સુધી જવાબદાર અધિકારીઓ સાથે સંકલન કરી 2 ડિસેમ્બર સુધી તમામ માંગણીઓ સમય મર્યાદા મુજબ પૂરી થાય તેવું લેખિત નહીં આપે તો 3 જી ડિસેમ્બર થી આ નેશનલ કોરિડોરની કામગીરી બંધ કરાવી દેવામાં આવશે અને ત્યારબાદ કોઇપણ ઘટના બને તો તેની તમામ જવાબદારી જવાબદાર તંત્રની રહેશે તેવી ચીમકી મૂકેશ ડાંગી દ્વારા આપવામાં આવેલ હતી.