ઈન્ડોનેશિયામાં ૬.૧ ની તીવ્રતાનો ભયંકર ભૂકંપનો આંચકો અનુભવાયો હતો, તેનું કેન્દ્ર ઉત્તર સુલાવેસી પ્રાંત નજીક દરિયાકિનારે હતું. તેમજ મળતી માહિતી અનુસાર, ભૂકંપ ૧૦ કિલોમીટર (૬.૨ માઇલ) ની ઊંડાઈએ આવ્યો હતો. રાહતની વાત છે કે સુનામીનો કોઈ ખતરો નથી. રાજ્ય ભૂસ્તરશાસ્ત્રીય સર્વેએ જણાવ્યું હતું કે નુકસાન અથવા જાનહાનિના કોઈ તાત્કાલિક અહેવાલો નથી.
ઉલ્લેખનીય છે કે, ઈન્ડોનેશિયા ‘રિંગ ઓફ ફાયર’ નામની જગ્યાએ સ્થિત છે, જ્યાં પૃથ્વીની ઘણી ટેક્ટોનિક પ્લેટો મળે છે. આ કારણોસર, આ વિસ્તાર ભૂકંપ અને જ્વાળામુખીની ગતિવિધિઓની દ્રષ્ટિએ અત્યંત સંવેદનશીલ માનવામાં આવે છે.