ગ્રીસના કોસ્ટા નાવારિનોમાં ૧૪૪મી આંતરરાષ્ટ્રીય ઓલિમ્પિક એસોસિએશન (ૈર્ંંઝ્ર) બેઠકમાં ઝિમ્બાબ્વેના રમતગમત મંત્રી અને બે વખતના ઓલિમ્પિક સુવર્ણ ચંદ્રક વિજેતા ક્રિસ્ટી કોવેન્ટ્રીને નવા પ્રમુખ તરીકે ચૂંટવામાં આવ્યા હતા. બેઠક દરમિયાન, ૭ ઉમેદવારો વચ્ચે મતદાન થયું જેમાં ક્રિસ્ટી કોવેન્ટ્રીને આગામી ૮ વર્ષ માટે આ પદની જવાબદારી સોંપવામાં આવી છે.
ખાસ વાત એ છે કે તે આ પદ પર ચૂંટાયેલી પ્રથમ મહિલા છે. ક્રિસ્ટી કોવેન્ટ્રી વર્તમાન ૈર્ંંઝ્ર પ્રમુખ થોમસ બાકનું સ્થાન લેશે, જેમણે પહેલી વાર ૨૦૧૩ માં આ પદ સંભાળ્યું હતું અને ૨૦૨૧ માં ફરીથી ચૂંટાયા હતા. આ પહેલી વાર છે જ્યારે આફ્રિકાના કોઈ સભ્યને ૈર્ંંઝ્ર પ્રમુખ તરીકે ચૂંટવામાં આવ્યા છે. ક્રિસ્ટી કોવેન્ટ્રી ૨૩ જૂને સત્તાવાર રીતે પોતાનો કાર્યભાર સંભાળશે. તે જ સમયે, થોમસ બાક તેમના કાર્યકાળના અંત પછી રાજીનામું આપશે અને માનદ પ્રમુખની ભૂમિકા સંભાળશે.
ઉલ્લેખનીય છે કે, વર્ષ ૨૦૨૬ માં મિલાનો કોર્ટીનામાં થનાર વિન્ટર ઓલિમ્પિક્સને હવે ૧૧ મહિનાથી પણ ઓછા સમય રહ્યો છે. આ ઘટના ક્રિસ્ટી કોવેન્ટ્રી માટે તેમના અધ્યક્ષ કાર્યકાળનો પહેલો મોટો પડકાર સાબિત થશે. કર્સ્ટી કોવેન્ટ્રીએ ૨૦૦૦ સિડની ઓલિમ્પિક્સથી લઈને ૨૦૧૬ રિયો ઓલિમ્પિક્સ સુધી પાંચ અલગ અલગ ઓલિમ્પિક્સમાં ભાગ લીધો છે.
તે સ્વિમિંગ એથ્લીટ રહી ચુકી છે અને ઓલિમ્પિકમાં કુલ ૭ મેડલ જીત્યા છે, જેમાં ૨ ગોલ્ડ, ૪ સિલ્વર અને ૧ બ્રોન્ઝ મેડલનો સમાવેશ થાય છે. પ્રમુખ પદ પર ચૂંટાયા બાદ, ક્રિસ્ટી કોવેન્ટ્રીએ ખુશી વ્યક્ત કરતા કહ્યું, ‘હું તમને બધાને ગર્વ કરાવીશ અને આશા રાખું છું કે તમે તમારા ર્નિણય પ્રત્યે સંપૂર્ણ વિશ્વાસ રાખશો. આપણે સાથે મળીને આગળ વધવું પડશે અને સાથે મળીને કામ કરવું પડશે.