અમેરિકામાં ફરી એકવાર પ્રમુખ ડોનાલ્ડ ટ્રમ્પ વિરુદ્ધ લોકોમાં ભારે રોષ ફાટી નીકળ્યો છે તેવું જોવા મળ્યો હતો, સમગ્ર અમેરિકામાં શનિવારે હજારો દેખાવકારો ફરી એકવાર માર્ગો પર ઊતરી આવ્યા હતા. આ લોકોએ ટ્રમ્પની નીતિઓ સામે આકરો વિરોધ નોંધાવ્યો હતો.
આ મામલે સૂત્રો દ્વારા મળતી માહિત મુજબ, ન્યુયોર્ક, વોશિંગ્ટન અને શિકાગો જેવા શહેરોમાં ૫ એપ્રિલે યોજાયેલા દેખાવોની તુલનાએ ભલે આ વખતે ઓછા લોકો દેખાવોમાં સામેલ થયા હતા પરંતુ આ વખતે જેક્સનવિલે, ફ્લોરિડાથી લઈને લોસ એન્જેલસ સુધી ૭૦૦ થી વધુ ધરણાં-રેલીનું આયોજન કરાયું હતું.
હજારો લોકોએ વોશિંગ્ટન મોન્યુમેન્ટથી કૂચ કરી હતી, ઘણા લોકોએ વહીવટીતંત્રને કિલ્મર આર્માન્ડો એબ્રેગો ગાસિર્યા – મેરીલેન્ડના એક વ્યક્તિ, જેને ખોટી રીતે અલ સાલ્વાડોર મોકલવામાં આવ્યો હતો, તેને પાછા લાવવાની માંગ કરી હતી. “મને ચિંતા છે કે વહીવટીતંત્ર યોગ્ય પ્રક્રિયા વિના બિનદસ્તાવેજીકૃત ઇમિગ્રન્ટ્સને દેશનિકાલ કરવાનું બંધ કરશે નહીં અને અમેરિકન નાગરિકોને કેદ કરશે અને દેશનિકાલ કરશે,” વોશિંગ્ટનમાં રેલીમાં હાજરી આપનારા એરોન બર્કે જણાવ્યું હતું. તેણે કહ્યું, “એ ક્યાં અટકે છે?” ધ ન્યૂ યોર્ક ટાઇમ્સે અહેવાલ આપ્યો છે કે બર્કે એમ પણ કહ્યું હતું કે તેમની પુત્રી ટ્રાન્સજેન્ડર છે અને તે લઘુમતીઓના અમાનવીકરણ વિશે સૌથી વધુ ચિંતિત છે.
ખૂબ મોટી સંખ્યામાં દેખાવકારોએ ઈમિગ્રેશન, સંઘીય નોકરીમાં મોટો કાપ, આર્થિક નીતિઓ અને ટેરિફ વૉર જેવા અન્ય મુદ્દાઓ પર ચિંતાનો હવાલો આપતાં ડોનાલ્ડ ટ્રમ્પ સામે નાગરિકોની સ્વતંત્રતા અને કાયદાના શાસનને કચડી નાખવાનો આરોપ મૂક્યો હતો. વોશિંગ્ટનની રેલીમાં એક વ્યક્તિએ કહ્યું કે મને એ વાતની ચિંતા છે કે તંત્ર કોઈ યોગ્ય પ્રક્રિયાના પાલન વગર ગેરકાયદે પ્રવાસીઓને દેશમાંથી કાઢી મૂકતા રોકાશે નહીં અને અમેરિકાના નાગરિકોને પણ જેલભેગા કરશે તથા દેશમાંથી કાઢી મૂકશે.