પીઢ અભિનેતા સંજય ખાનના પત્ની અને ઝાયેદ ખાન અને સુઝાન ખાનની માતા ઝરીન ખાનનું ૭ નવેમ્બરના રોજ ૮૧ વર્ષની વયે અવસાન થયું. અહેવાલ મુજબ, તેમનું વય સંબંધિત બીમારીને કારણે નિધન થયું. ઝરીન ખાનએ મુંબઈમાં તેમના ઘરે અંતિમ શ્વાસ લીધા. તેમના પરિવારમાં પતિ સંજય ખાન અને ચાર બાળકો – સુઝાન ખાન, સિમોન અરોરા, ફરાહ અલી ખાન અને ઝાયેદ ખાન છે.
ઝરીન ખાનના નિધનના સમાચારથી ફિલ્મ ઉદ્યોગ શોકમાં ડૂબી ગયો છે. તેમના નિધનના સમાચાર ફેલાતાં જ, ફિલ્મ જગત અને સોશિયલ મીડિયા પર ચાહકો તરફથી શ્રદ્ધાંજલિનો વરસાદ શરૂ થયો.
ઝરીન ખાનનું નિધન
૮૧ વર્ષીય ઝરીન ખાને મુંબઈમાં તેમના ઘરે અંતિમ શ્વાસ લીધા. આ સમાચારની પુષ્ટિ ફોટોગ્રાફર વિરલ ભાયાણી દ્વારા કરવામાં આવી છે. અહેવાલો અનુસાર, ઝરીન છેલ્લા કેટલાક સમયથી વય સંબંધિત બીમારીઓથી પીડાતી હતી.
ઝરીન કાતરક ૧૯૬૦ અને ૭૦ ના દાયકામાં એક લોકપ્રિય નામ હતું, જે ઇન્ટિરિયર ડિઝાઇનમાં પ્રવેશતા પહેલા મોડેલ અને અભિનેત્રી તરીકે પોતાની ઓળખ બનાવી ચૂકી હતી. પોતાની સુંદરતા અને શાંત વર્તન માટે પ્રશંસા પામીને, તે ફેશન અને જાહેરાત ઉદ્યોગોમાં કાયમી છાપ છોડનાર શરૂઆતના ભારતીય વ્યક્તિઓમાંની એક બની. ફિલ્મ પરિવારમાંથી આવતી અને પોતે એક અભિનેત્રી, ઝરીન હિન્દી ફિલ્મોમાં પણ દેખાઈ હતી, જેમાં દેવ આનંદ સાથે તેરે ઘર કે સામને (૧૯૬૩)નો સમાવેશ થાય છે, અને ફિલ્મ એક ફૂલ દો માલી માટે કોસ્ચ્યુમ ડિઝાઇનર તરીકે યોગદાન આપ્યું હતું.
જાેકે, ૧૯૬૬માં અભિનેતા-દિગ્દર્શક સંજય ખાન સાથે લગ્ન કર્યા પછી ઝરીન વધુ પ્રસિદ્ધિ પામી. થોડા મહિના પહેલા, જુલાઈ ૨૦૨૫માં, પરિવારે તેનો ૮૧મો જન્મદિવસ સાથે ઉજવ્યો હતો.
ખાન પરિવારે હજુ સુધી કોઈ સત્તાવાર નિવેદન બહાર પાડ્યું નથી.