જર્મન ચાન્સેલર ફ્રેડરિક મેર્ઝ પદ સંભાળ્યા પછી તેમની પહેલી સત્તાવાર મુલાકાત ૬ અને ૭ ડિસેમ્બરે ઇઝરાયલ જશે, એમ જર્મન સરકારના પ્રવક્તાએ શુક્રવારે જણાવ્યું હતું.
મેર્ઝ ૭ ડિસેમ્બરે દ્વિપક્ષીય સંબંધો, ગાઝામાં યુદ્ધવિરામ અને અન્ય આંતરરાષ્ટ્રીય મુદ્દાઓ પર ચર્ચા કરવા માટે વડા પ્રધાન બેન્જામિન નેતન્યાહૂને મળવાના છે, અને યાદ વાશેમ સ્મારકની પણ મુલાકાત લેશે અને સમાજના સ્થાનિક પ્રતિનિધિઓ સાથે વાતચીત કરશે, એમ પ્રવક્તાએ નિયમિત સરકારી પ્રેસ કોન્ફરન્સ દરમિયાન ઉમેર્યું હતું.
જર્મની લાંબા સમયથી ઇઝરાયલના કટ્ટર સમર્થકોમાંનું એક રહ્યું છે, પરંતુ વિનાશક ગાઝા યુદ્ધમાં નેતન્યાહૂની સરકારની વ્યૂહરચના અંગે ટીકા પણ કરી છે.
આ મહિને, જર્મન સરકારે ઇઝરાયલને શસ્ત્રોનું વેચાણ ફરી શરૂ કરવા માટે આગળ વધ્યું જે ઓગસ્ટથી યુદ્ધને કારણે સ્થગિત કરવામાં આવ્યું હતું, પરંતુ કહ્યું કે આ ર્નિણય યુદ્ધવિરામના પાલન અને માનવતાવાદી સહાયની મોટા પાયે જાેગવાઈને આધીન છે.